Jekemenshik mektepterdiń shotyna alǵashqy qarajat túse bastady
ASTANA. KAZINFORM – Qazaqstandaǵy mektepter jańa tásilmen qarjylandyryla bastady. Alǵashqy tólem sátti aýdaryldy. Bul týraly Qarjy mınıstrligi habarlady.
Aıtalyq, Mańǵystaý oblysyndaǵy jekemenshik mektep-lıtseıge 108 mln teńge berildi. Bul aqsha e-Qazyna memlekettik platformasyndaǵy OrtaBilim jańa tsıfrly servısi arqyly aýdaryldy.
Atalǵan qyzmet mektepterge jasalatyn qarjylandyrý protsesin ashyq, jyldam jáne jaıly etýdi kózdeıdi. Osy rette tyń jobany Aqparattyq-esepteý ortalyǵy ázirlegenin aıta ketken oryndy.
Buǵan deıingi júıege shaǵym kóp aıtylatyn. Máselen, aqsha qaǵaz júzinde ǵana tirkelgen oqýshylarǵa nemese muǵalimderge bólinip keldi. Al oqý protsesiniń talapqa saı kelmeıtin jerlerde ótkizilip kelgeni týraly fakti az bolǵan joq. Tyń tetik mundaı jaǵdaılarǵa tosqaýyl qoıady.
Endi qarjylandyrýǵa baılanysty barlyq málimet ashyq túrde jarııalanady. Tıisti qarajat oqýshylardyń naqty sanyna qaraı bólinedi.
Aıta keteıik, elimizde jekemenshik mektepterge arnalǵan memtapsyrystyń jańa júıesi iske qosyldy.
2026 jyldan bastap jekemenshik mektepter qatań tsıfrlyq baqylaýǵa ótedi.