Jeke kýálikti der kezinde aýystyrmasań qansha aıyppul tóleısiń
Memlekettik korporatsııanyń basqarma tóraǵasynyń birinshi orynbasary Súıenish Ábdildınniń aıtýynsha, HQO-ǵa qujattarynyń merzimi ótip ketken klıentter jıi júginedi.
Al Ákimshilik quqyq buzý kodeksine sáıkes, Qazaqstan Respýblıkasy azamattarynyń tirkeýsiz nemese jeke basyn kýálandyratyn qujattarsyz bir aıdan astam júrýi 7 AEK mólsherinde aıyppuldyń salynýyna ákep soǵady.
«Jeke kýálikti turǵylyqty tirkeý ornyna qaramastan kez kelgen HQO-da aýystyrýǵa bolady. Onda tek eski qujatty kórsetip, 0,2 AEK mólsherinde memlekettik baj tóleý qajet. Jańa qujat 15 jumys kúni ishinde daıyn bolady. Qalaýyńyz boıynsha qosymsha aqy tólep, kýálikti daıyndaý merzimin bir kúnnen bes jumys kúnine deıin jedeldetýge bolady», – dep naqtylap ótti Súıenish Ábdildın.
Sondaı-aq spıker jeke kýálik qazaqstandyqtarǵa 16 jastan bastap beriletinin atap ótti.
Alǵashqy qujatty alý úshin jasóspirim ata-anasynyń birimen HQO-ǵa júginýi kerek.
Ótinish berý úshin týý týraly kýálik, tólqujat (bar bolsa) jáne memlekettik baj salyǵynyń tólengeni týraly túbirtek tapsyrý qajet.
Týý týraly kýálikte tegin nemese atyn ózgertken, nekege turýǵa/buzýǵa baılanysty tegin ózgertkender de bir aı ishinde qujatyn jańartýy tıis.
Aıta keteıik, jeke basty kýálandyratyn qujattardy rásimdeý qyzmetin HQO-da otyratyn kóshi-qon polıtsııasynyń qyzmetkerleri usynady.
Aıta keteıik, pasport merzimi ótken jaǵdaıda aıyppul qarastyrylmaǵan. Ol shetelge shy ǵý úshin paıdalanylatyn qujat.
Tólqujat alý úshin kez kelgen HQO-ǵa júginýge bolady. Memlekettik baj mólsheri – 8 AEK.
2021 jyly HQO-larda jeke basty kýálandyratyn 2,4 mln qujat berildi.
