Jeke bilim berý uıymdary balabaqshalardy lıtsenzııalaýdy usyndy
Óz sózinde R. Sadyqova jeke bilim berý uıymdary 1991 jyly táýelsizdik alǵannan keıin paıda bolǵanyn atap ótti. Al 2010 jyldan bastap «Balapan» baǵdarlamasy boıynsha memleket jeke sektorǵa qoldaý kórsetti.
«ıAǵnı, 1991 jyly Qazaqstannyń Táýelsizdigi jarııalanǵan kezde el aýmaǵynda jeke bilim berý qyzmetin júrgizýge ruqsat berý týraly jarlyq shyqty. Demek, biz Konstıtýtsııany, «QR Bilim týraly« zańdy mindetti túrde saqtaýymyz kerek, osy aıada jumys isteýimiz kerek. Nelikten? Sebebi biz bárimiz balalardy tárbıelep, óskeleń urpaqty oqytamyz. Biz bul iste ortaq ustanymdy ustanýymyz kerek. Men de mektepke deıingi bilim berý sektoryn qalypqa keltirý kerektigin árdaıym aıtyp kelemin», – dedi R. Sadyqova.
Onyń aıtýynsha, balabaqshalardyń qyzmetin lıtsenzııalaý balalardyń senimdi qolynda ekendigine kóz jetkizý úshin qajet.
Spıker zańnamada qandaı uıymdar bilim berý uıymy bolyp sanalatynyn jáne olarǵa mektepke deıingi mekemeler de jatatyny anyq jazylǵanyn atap ótti. Sondyqtan, «Bilim týraly» zańda barlyq bilim berý uıymdary lıtsenzııalanýy tıis dep jazylǵandyqtan, bul mektepke deıingi sektorǵa da qatysty bolady.
Buǵan deıin jekemenshik balabaqshalardyń 80% memlekettik attestatsııadan óte almaǵany habarlanǵan bolatyn.
«Eki jyl buryn biz lıtsenzııalaý men memlekettik baqylaýdy qaıtarýǵa áreket jasadyq. Alaıda sol kezde kásipkerler palatasynyń, balabaqshalar qaýymdastyǵynyń jáne birqatar memlekettik organnyń ustanymy bul normany zańǵa engizýge múmkindik bermedi. Biraq biz bul baǵytta jumysty toqtatpadyq. Byltyrdyń sońynda memlekettik attestattaý júıesin engize aldyq. Attestatsııa nátıjesi kóńilden shyqpady. Tekseristen ótken balabaqshalardyń 80%-y memlekettik attestatsııadan óte almady», - dep jazdy Oqý-aǵartý mınıstri Ashat Aımaǵambetov jelidegi paraqshasynda.
Sonymen birge, A. Aımaǵambetov memlekettik tapsyrys alatyn balabaqshalarǵa talap kúsheıetinin aıtty.