Jibek Qulambaeva Úndistandaǵy týrnırdiń shırek fınalyna shyqty

MÝMBAI. KAZINFORM — Qazaqstandyq Jibek Qulambaeva juptyq synda Mýmbaı (Úndistan) chellendjer týrnıriniń shırek fınalyna shyqty.

Qazaqstandyq tennısshi ońtústikkoreıalyq So Hen Pakpen birge bastapqy kezdesýin jarystyń 1-raketkalary, ıtalııalyqtar Angelıka Moratellı — Kamılla Rozatellomen ótkizdi. 

Qazaqstandyq-ońtústikkoreıalyq jup birinshi partııada taı-breıkte basymdylyq tanytty — 7:6 (7:4).

Ekinshi set jeńildeý tıdi — 6:2.

Saǵat jarymnan astam ýaqytqa sozylǵan báseke barysynda Qulambaeva — Pak 11 breık-poınttyń beseýin qur jibergen joq.

Italııalyq dýetke 1 eıs, 3 breık (7 breık-poınt) jetkiliksiz boldy. 

J.Qulambaeva jekeleı synda irikteý saıystarynda osy K.Rozatelloǵa ese jibergen edi — 6:4, 4:6, 3:6.

Jibek Qulambaeva — So Hen Paktyń shırek fınaldaǵy qarsylastary keıin belgili bolady.

Eske sala keteıik, budan buryn Elena Rybakınanyń Ábý-Dabıde «Úlken dýlyǵa» týrnıriniń tórt márte chempıonymen kezdesýi múmkin ekenin jazǵan bolatynbyz.

Sondaı-aq Aleksandr Býblık álemdik reıtıngide rekordtyq kórsetkishke qol jetkizdi.