Jibek Qulambaeva Serbııada kambek jasap, týrnırdiń 7-raketkasyn utty

ASTANA. KAZINFORM — Qazaqstandyq tennısshi, álemniń 427-raketkasy, 24 jastaǵy Jibek Qulambaeva jekeleı synda Kýrshýmlııa-Banıa (Serbııa) ITF W75 týrnıriniń 1/8 fınalyna joldama aldy.

Qazaqstandyq tennısshi ekinshi aınalymda álemniń – 306, osy jarystyń 7-raketkasy, kanadalyq Karson Brenstınmen kezdesti.

Matchty kanadalyq sportshy sátti bastady – 6:3. Budan keıin Jibek oıyn tizginin qolyna alyp, kambek jasaı bildi – 6:1, 6:3. 

Tartysty ótken báseke 1 saǵat 51 mınýtqa sozyldy. 

Jibek Qulambaeva shırek fınalǵa shyǵý úshin álemniń 351-raketkasy, taǵy bir kanadalyq Vıktorııa Mboko nemese reıtıngide 431-satydaǵy frantsııalyq Sara Tsakarevıchtiń qaı jeńgenimen sheberlik talastyrady.

J.Qulambaeva qazirgi sátte WTA Live reıtıngisinde 413-orynǵa kóterilip tur.

Eske sala keteıik, budan buryn Jibek Qulambaevanyń Serbııadaǵy jarysta bir kúnde eki match ótkizgenin jazǵan bolatynbyz.