Jibek Qulambaeva Rýmynııadaǵy týrnırdiń fınalyna shyǵý úshin talasady

ASTANA. KAZINFORM — Qazaqstandyq tennısshi Jibek Qulambaeva juptyq synda Bıstrıtsa (Rýmynııa) ITF W50 týrnıriniń jartylaı fınalyna shyqty.

Qazaqstandyq tennısshi rýmynııalyq Georgeta Sımıonmen birge shırek fınalda jarystyń 3-raketkalary, rýmynııalyq Andreıa Prıshakarıý – grekııalyq Sapfo Sakellarıdımen synǵa tústi.

Birinshi partııada rýmynııalyq-grekııalyq jup 6:3 esebimen basymdylyq tanytty.

Ekinshisinde Jibek pen Georgeta ese qaıyrdy – 6:2. Sodan keıin sýper taı-breıkte bet qaratpady – 10:4.

Báseke 1 saǵat 17 mınýtqa sozyldy.

Jibek Qulambaeva – Georgeta Prıshakarıý fınalǵa shyǵý úshin dodanyń 1-raketkalary, ıspanııalyq Andjela Fıta Bolýda – shveıtsarııalyq Ilena In-Albonmen talasady.

Sársenbi kúni osy matchtyń aldynda dúnıejúzilik reıtıngide 318-orynda turǵan qazaqstandyq tennısshi jekeleı synda alǵashqy aınalymda álemniń 248-raketkasy, portýgalııalyq Matılde Jorgemen kezdesti.

Jibek matchty tamasha bastady – 6:0. Alaıda sol qarqynyn jalǵastyra almady – 5:7, 2:6. Bul tartysty oıyn 2 saǵat 7 mınýtqa sozyldy.

Eske sala keteıik, budan buryn dopıng qoldanǵan qazaqstandyq tennısshiniń 4 jylǵa jarystan shettetilgenin jazǵan edik.

Anna Danılına AQSh-taǵy jarystyń shırek fınalyna shyqty.