Jibek Qulambaeva Nıderlandtaǵy týrnırde alǵashqy qarsylasyn tize búktirdi

ASTANA. KAZINFORM – Qazaqstandyq tennısshi, álemniń 306-raketkasy Jibek Qulambaeva Gaaga (Nıderland) ITF W75 týrnıriniń ekinshi aınalymyna shyqty. 

Qulambaeva bastapqy kezdesýin dúnıejúzilik reıtıngide 337-orynda turǵan kort ıesi Lıan Tranmen ótkizdi. 

Birinshi partııada Jibek aıqyn basymdylyq tanytty – 6:1. Ekinshi sette jergilikti sportshy 4:2 esebimen alǵa shyqqanymen, Qulambaeva tarazy basyn aýdara bildi – 6:4.

Match 1 saǵat 5 mınýtqa sozyldy. 

Jibek Qulambaevanyń kelesi qarsylasy keıin anyqtalady. 

Qazaqstandyq tennısshi qazirgi kezde WTA Live reıtıngisinde 299-orynǵa kóterilip, TOP-300-ge kirip tur. 

Eske sala keteıik, budan buryn Ýımbldonda qazaqstandyq jasóspirimderdiń juptyq synda ekinshi aınalymǵa ótkenin jazǵan edik.