Jibek Qulambaeva Italııada negizgi jarysqa joldama aldy

ASTANA. KAZINFORM - Qazaqstandyq, álemniń 471-raketkasy Jibek Qulambaeva Barı (Italııa) chellendjer týrnıriniń irikteý saıysyn sátti ótkizdi.

Qazaqstandyq tennısshi irikteý saıysynyń fınalynda dúnıejúzilik reıtıngide 723-orynda turǵan Italııa ókili Eleonora Alvısımen kezdesti.

Jibek 1 saǵat 21 mınýtqa sozylǵan matchta 6:1, 6:2 esebimen jeńiske jetti. Ol 13 breık-poınttyń segizin paıdalandy. Alvısı 3 breıkpen (4 breık-poınt) shekteldi.

Osylaısha, Jibek Qulambaeva negizgi jarysqa joldama aldy.

Eske sala keteıik, budan buryn Rolan Garros týrnırinde Rybakınanyń Tokıoda ketken eseni qaıtaryp, shırek fınalǵa shyqqanyn jazǵan bolatynbyz.

Elena Rybakına jartylaı fınal joldamasy úshin álemniń 15-raketkasy, ıtalııalyq ıAsmıne Paolınımen talasady.