Jibek Qulambaeva Brazılııadaǵy jarystyń jeńimpazy atandy

ASTANA. KAZINFORM – Qazaqstandyq tennısshi Jibek Qulambaeva juptyq synda San-Paýlý (Brazılııa) ITF W75 týrnıriniń chempıony atandy.

Jarystyń 2-raketkalary bolyp tirkelgen qazaqstandyq tennısshi men ıtalııalyq Nıkol Fossa Ýergo doda barysynda barlyǵy tórt kezdesý ótkizip, jeńiske jetti.

Fınalda qazaqstandyq-ıtalııalyq jup týrnırdiń 1-raketkalary, grekııalyq Elenı Hrıstofı – ıtalııalyq Avrora Zantedeshımen bas júldeni sarapqa saldy.

Birinshi partııada Hrıstofı – Zantedeshı 6:3 esebimen basym túskenimen, Qulambaeva – Ýergo kambek jasaı aldy – 6:2, 10:4. Fınaldyq báseke bir jarym saǵatqa jýyq ýaqytqa sozyldy.

Osyǵan deıin Jibek pen Nıkol Argentınada ITF jarysynda eki ret fınalǵa shyqsa, sonyń bireýinde jeńip, ekinshisinde utylǵan edi.

Eske sala keteıik, budan buryn Anna Danılınanyń AQSh chempıonatynda jartylaı fınaldan tys qalǵanyn jazǵan bolatynbyz.