Jibek Qulambaeva bir kúnde eki matchty jeńispen túıindedi
ASTANA. KAZINFORM — Qazaqstandyq tennısshi Jibek Qulambaeva Chanshe (Qytaı) chellendjer týrnırin jeńispen bastady.

Dúnıejúzilik reıtıngide 381-orynda turǵan J.Qulambaeva jekeleı synda álemniń 189-ynshy, osy jarystyń 7-raketkasy, kort ıesi Sıchjoı Veımen kezdesti.
Birinshi partııada Jibek tabandylyq tanytty — 7:5.
Ekinshisinde Veı ese qaıyrdy — 6:3.
Degenmen úshinshi, sheshýshi sette Jibek Qulambaeva sheberliginiń basym ekendigin kórsetti — 6:3.
Eki saǵat 27 mınýtqa sozylǵan tartysty básekede Jibek 13 breık-poınttyń jeteýin óz esebine jazdy. Veı 2 eıs, 6 breıkpen (11 breık-poınt) kózge tústi.
Jibek Qulambaeva shırek fınalǵa shyǵý úshin álemniń 194-raketkasy, reseılik Alına Charaevamen talasady.
Qazaqstandyq tennısshi ońtústikkoreıalyq So Hen Pakpen birge juptyq synda qytaılyqtar Ksan Shı — Zo ıÝn Lımen synǵa tústi.
Qazaqstandyq-koreıalyq jup 1 saǵat 42 mınýtqa sozylǵan tartysty oıynda 6:1, 5:7, 10:4 esebimen jeńiske jetti. Sóıtip shırek fınalǵa joldama aldy.
Taǵy bir qazaqstandyq, álemniń 242-raketkasy Zarına Dııas jekeleı synda álemdik reıtıngide ózinen segiz saty tómen turǵan kanadalyq Kerol Chjaomen kortqa shyqty.
Birinshi sette esep 5:5 bolǵan sátte Zarına matchty jalǵastyrýdan bas tartty.
Eske sala keteıik, budan buryn AQSh ashyq chempıonatynda Zańǵar Nurlanulynyń jasóspirimder arasynda týrnırdi sátti bastaǵanyn jazǵan edik.
Aleksandr Býblık álemniń 1-raketkasynan utylyp qaldy.