Jibek Qulambaeva Antalııadaǵy týrnırdiń fınalyna shyqty

ASTANA. KAZINFORM — Qazaqstandyq tennısshi Jibek Qulambaeva juptyq synda Antalııa (Túrkııa) ITF W35 týrnıriniń fınalyna joldama aldy.

Jarystyń 1-raketkalary bolyp tirkelgen J.Qulambaeva — ıtalııalyq Nıkol Fossa Ýergo jartylaı fınalda reseılikter Anastasııa Gasanova — Anastasııa Gýrevamen sheberlik baıqasty.

Qazaqstandyq- ıtalııalyq jup birinshi partııada 6:2 esebimen basym tústi.

Ekinshi sette de sol qarqynyn joǵaltpady — 6:3.

Qulambaeva — Ýergonyń fınaldaǵy qarsylastary keıin anyqtalady.

Eske sala keteıik, Jibek Qulambaevanyń Túrkııadaǵy jarystyń jartylaı fınalyna ótkenin jazǵan bolatynbyz.

Elena Rybakına Doha týrnıriniń jartylaı fınalynan tys qalǵany belgili boldy.