Jazýshy Jylqybaı Jaǵyparuly dúnıeden ótti

ASTANA. KAZINFORM — Belgili jýrnalıst, qarymdy qalamger Jylqybaı Jaǵyparuly ómirden ozdy.

Jylqybaı Jaǵyparuly 1954 jyldyń 11 qyrkúıeginde Qaraǵandy oblysy Qarqaraly topyraǵynda dúnıege kelgen.

Abaı atyndaǵy Qazaq pedagogıka ınstıtýtynyń tarıh fakýltetin bitirgen soń Aqmola oblystyq «Arqa ajary» gazetinde 30 jylǵa jýyq jemisti eńbek etti.

Respýblıkalyq «Til jáne mádenıet» qoǵamynyń qurylýyna muryndyq bolyp, uıymdastyrý komıtetiniń tóraǵasy boldy.

2005-2007 jyldary respýblıkalyq «El» gazetiniń bas redaktory qyzmetin abyroımen atqardy. 2007 jyldan bastap, zeınet jasyna jetkenge deıin respýblıkalyq Egemen Qazaqstan gazetinde qyzmet atqardy.

Qazaqstan Jazýshylar jáne Qazaqstan jýrnalıster odaǵynyń múshesi Jylqybaı Jaǵyparuly «Qurmet» ordenimen marapattalǵan.