Jazǵy Ýnıversıada: Qazirge deıin qazaqstandyq sportshylar qalaı óner kórsetti
Bıyl aıtýly alamanǵa qazaqstandyq sporshylar 15-márte qatysyp otyr. 1993 jyldan beri olar barlyǵy 113 medal enshilep úlgerdi
Buǵan deıin qazaqstandyq sportshylar jazǵy Ýnıversıadada qalaı oıyn kórsetti? Olardyń jetistikterine taǵy bir márte kóz júgirtip kórelik.
Býffalo-1993
Qazaqstan stýdentter quramasy alǵash ret AQSh-tyń Býffalo qalasynda 1993 jyldyń 8-18 shilde aralyǵynda ótken ýnıversıadada baq synady. Oǵan 118 elden 3582 sportshy beısbol, voleıbol, sporttyq gımnastıka, basketbol, akademııalyq esý, semserlesý, sýdaǵy sport túrleri (júzý, sýdaǵy polo, sýǵa sekirý), tennıs, fýtbol, jeńil atletıkadan júldelerdi sarapqa saldy.
Ýnıversıadada jeńil atletıkadan úsh qarǵyp sekirý jarysynda qazaqstandyq stýdent O.Sakırkın «kúmis» medalǵa ıe boldy.
Fýkýoka-1995
XVIII Dúnıejúzilik jazǵy Ýnıversıada Japonııanyń Fýkýoka qalasynda 1995 jyldyń 23 tamyzy men 3 qyrkúıegi aralyǵynda ótkizildi.
Onda dúnıejúziniń 162 elinen kelgen 3949 sportshy beısbol, voleıbol, gımnastıka (sporttyq jáne kórkem), dzıýdo, basketbol, semserlesý, sý sport túrleri (júzý, sýdaǵy polo, sýǵa sekirý), tennıs, fýtbol, jeńil atletıkadan saıysqa tústi.
Bul joly jeńil atletıkadan S. Zalevskaıa (bıiktikke sekirý) jáne I.Vygýzova (10 metrlik munara) «kúmis» júldege qol sozdy.
Al 1997, 1999 jyldarda qazaqstandyq sportshylar ýnıversıadada júldegerler qatarynan kórine alǵan joq.
Beıjiń-2001
XXI Dúnıejúzilik jazǵy Ýnıversıada Qytaı astanasy Beıjiń qalasynda 2001 jyldyń 22 tamyzy men 1 qyrkúıegi aralyǵynda jalaýyn jelbiretti.
Dúbirli dodada 169 eldiń atynan baq synaǵan 3949 sportshy voleıbol, gımnastıka (sporttyq jáne kórkem), dzıýdo, basketbol, semserlesý, sý sport túrleri (júzý, sýdaǵy polo, sýǵa sekirý), tennıs, fýtbol, jeńil atletıka, ústel tennısinen júldelerdi sarapqa saldy.
Jarys barysynda elimizdiń atynan jeńil atletıkadan G. Chernovol (100 jáne 200 m), E. Meleshenko (kedergilermen 400 m) ekinshi orynnan kórindi.
Tegý-2003
XXII Dúnıejúzilik jazǵy Ýnıversıada Ońtústik Koreıanyń Tegý qalasynda 2003 jyldyń 21-31 tamyzy aralyǵynda ótkizildi. Jarysqa qatysýshylar sadaq atý, voleıbol, gımnastıka (sport jáne kórkem), dzıýdo, basketbol, semserlesý, sý sport túrleri (júzý, sý polosy, sýǵa sekirý), taekvondo, tennıs, fýtbol, jeńil atletıkadan baq synady. Oǵan 174 elden 4 442 sportshy keldi.
Qazaqstan quramasy 18-shi orynǵa kóterilip, 2 altyn jáne 4 kúmis medaldi jeńip aldy.
El quramasynan E. Erimbetov gımnastıkadan eki márte chempıon atandy. Ol gımnastıka, kópsaıysta «kúmis» júldeger boldy. Sondaı-aq, S.Gorbachev (gımnastıka, erkin jattyǵýlar), E.Aısa (taekvondo), D.Rypakov (jeńil atletıka) ekinshi orynǵa jaıǵasty.
Izmır-2005
XXIII Dúnıejúzilik jazǵy Ýnıversıada Túrkııanyń Izmır qalasynda 2005 jylǵy 11 tamyzdan 21 tamyz aralyǵynda boldy. Jarysqa qatysýshylar sadaq atý, voleıbol, gımnastıka (sport jáne kórkem), basketbol, júzý, taekvondo, semserlesý, sý sport túrleri (júzý, sý polosy, sýǵa sekirý), tennıs, fýtbol, jeńil atletıka, kúresten saıysqa tústi.
Onda 133 elden kelgen sportshylar júldelerdi sarapqa saldy. Qazaqstandyq sportshylar bir altyn, eki kúmis jáne alty qola medal jeńip aldy.
Grek-rım kúresinen M.Ásembekov jeńis tuǵyryna kóterilse, V. Polıakov (júzý 200 m), E. Erimbetov (gımnastıka, brýsıa) «kúmis» medalge qol jetkizdi.
Al qola júldegerler qatarynla E. Erimbetov (gımnastıka), A.Svatkovskıı (erkin kúres), A.Júrimbaev (grek-rım kúresi), E.Qonyratov (grek-rım kúresi), T.Roslanova (jeńil atletıka 400 m) A. ıÝsýpova (kórkem gımnastıka, doppen jattyǵý) bar.
Bangkok-2007
XXIV Dúnıejúzilik jazǵy Ýnıversıada Taıland astanasy Bangkok qalasynda 2007 jylǵy 8 tamyz-18 tamyz aralyǵynda ótkizildi. Ýnıversıadaǵa qatysýshylar badmınton, oq atý, voleıbol, gımnastıka (sport jáne kórkem), golf, dzıýdo, basketbol, softbol, taekvondo, semserlesý, sý sport túrleri (júzý, sý polosy, bıiktikten sekirý), tennıs, fýtbol, jeńil atletıka, ústel tennısinen synǵa tústi.
Álemniń ár qıyrynan 6093 sportshy keldi. Elimizdiń atynan 115 sportshy jeńil atletıka, júzý, sý polosy, basketbol, semserlesý, fýtbol, gımnastıka, dzıýdo, tennıs, oq atý jáne taekvondo boıynsha oıyn kórsetti. Olar 5 altyn, 4 kúmis jáne 5 qola medaldi jeńip alyp, jalpykomandalyq esepte 11-shi oryn aldy.
El quramasynan O.Rypakova (jeńil atletıkadan úsh qarǵyp uzyndyqqa sekirý), O. Tereshkova (jeńil atletıkadan 400 metrge júgirý), T. Azarova (jeńil atletıkadan 400 metrlik tosqaýyl arqyly júgirý), M.Aıtova (jeńil atletıkadan bıiktikke sekirý), ıÝ. ıÝrkov (oq atý, MV-6) chempıondyq ataqqa ıe boldy.
Al ıÝ.ıÝrkov (oq atý, komandalyq jattyǵý MV-6), E.Jakııarov (oq atý, jattyǵý MV-6), A.Klımenov (oq atýdan komandalyq jattyǵý MV-6), V.Isachenko (oq atýdan komandalyq jattyǵý) «kúmiske» qol sozsa, V. Polıakov (200 metrlik brass arqyly júzý), L.Nýrkına (taekvondo), D Gryzozov (semserlesý, qylysh), E.ıÝsýpov (dzıýdo), Á. ıÝsýpova (rıtmdik gımnastıkadan urshyqpen jattyǵý) úzdik úshtikti túıindedi.
Belgrad-2009
XXV Dúnıejúzilik jazǵy Ýnıversıada Serbııa astanasy Belgrad qalasynda 2009 jylǵy 1-12 shilde aralyǵynda ótti. Jarysqa 5566 sportshy qatysty.
Dúbirli dodada sportshylar sadaq atý, voleıbol, gımnastıka (sport jáne kórkem), dzıýdo, basketbol, akademııalyq esý, semserlesý, sý sport túrleri (júzý, sý polosy, bıiktikten sekirý), tennıs, fýtbol, jeńil atletıka, ústel tennısinen baq synady.
Medaldar kestesinde Qazaqstan jalpykomandalyq esepte 32-oryn aldy. El quramasynan G. Aıtmuhambetova (taekvondo) chempıon atansa, E. Evseeva (jeńil atletıka, joǵary sekirý), B. Týrebekov (dzıýdo) «kúmis» júldeger boldy. Al Á. ıÝsýpova (kórkem gımnastıka, sheńbermen jattyǵý, kópsaıys), G. Isanova (dzıýdo), erler quramasy (dzıýdo, komandalyq týrnır) «qola» aldy.
Shenchjen-2011
XXVI Dúnıejúzilik jazǵy Ýnıversıada Qytaıdyń Shenchjen qalasynda 2011 jyldyń 12-23 shilde aralyǵynda jalaýyn jelbiretti.
Saıysqa qatysýshylar badmınton, sadaq atý, oq atý, voleıbol, gımnastıka (sport jáne kórkem, sporttyq aerobıka), golf, velosport, dzıýdo, basketbol, jelkendi sport, semserlesý, sý sport túrleri (júzý, sý polosy, bıiktkten sekirý), taekvondo, tennıs, fýtbol, jeńil atletıka, aýyr atletıka, shahmat, ústel tennısi, jaǵajaı voleıbolynan baq synady.
Jarysqa jer-jahannyń 151 elinen kelgen 7155 sportshy qatysty. Jazǵy Ýnıversıadada qazaqstandyq stýdentter quramasy 3 kúmis jáne 3 qola medaldi jeńip, aldy. Nátıjesinde medaldar kestesinde 15-shi komandalyq oryndy ıelendi.
Jazǵy Ýnıversıadada Aleksandra Aborneva (aýyr atletıka), Natalıa Ivonınskaıa (jeńil atletıka), Marııa Dmıtrıenko (stendtik atý) «kúmis» medal alsa, Olga Tereshkova (jeńil atletıka), Evgenıı Ektov (jeńil atletıka), Aleksandr Ermakov (oq atý) «qolaǵa» qol sozdy.
Qazan- 2013
Reseıdiń Qazan qalasynda 2013 jylǵy 6-17 shilde aralyǵynda ótkizilgen XXVII Dúnıejúzilik jazǵy Ýnıversıadada badmınton, sadaq atý, boks, kúres, oq atý, belbeý kúresi, voleıbol, gımnastıka (sport jáne óner), kógaldaǵy hokkeı, dzıýdo, júgirý, kanoe (sprınt), regbı-7, tennıs, fýtbol, jeńil atletıka, aýyr atletıka, shahmat, ústel tennısi, jaǵajaı voleıboly, basketbol, sambo, semserlesý, sý sport túrleri (júzý, sý polosy, sýda júzý, sınhrondy júzý) júldeler sarapqa salyndy.
Oǵan qatysýshylar sany 7991 sportshyny qurady. Ýnıversıadada qazaqstandyqtar 3 altyn, 11 kúmis jáne 16 qola medaldi jeńip aldy. El quramasynan Atqyshtar komandasy (O.Snegırevıch, A. Malınovskaıa jáne ıÝ.Morozova), M. Muqashev (jeńil atletıka), F. Harkeı (aýyr atletıka) jeńis tuǵyryna kóterildi.
Sondaı-aq, «kúmis» júldege B.Qanjanov, B.Jarylǵasov (sambo), S.Emelıanov-2 (kanoede jáne qaıyqpen esý), A.Jumaev (kúres), R.Rýstamov, J.Kosobýtskıı (boks), A.Zaıchıkov, K.Gorıcheva (aýyr atletıka), D. Moldashev, E.Oskanov (belbeý kúresi), R. Qurbanov (semserlesý) qol sozsa, A.Janbırov, N.Tynalıev, A.Kebispaev (grek-rım kúresi), A.Kenbel, D.Quryshbaeva (sambo), B. Prımbaev (kúres), E. Jomart, N. Jarmanov (boks), N. Fılıppov, E.Ektov (jeńil atletıka), A.Ermekbaev, G.Erbolova (belbeý kúresi), QR atý jáne semserlesý komandasy úzdik úshtikti túıindedi.
Kvandjý-2015
XXVIII Dúnıejúzilik jazǵy Ýnıversıada Ońtústik Koreıanyń Kvandjý qalasynda 2015 jyldyń 4-14 shilde aralyǵynda ótkizildi. Álemniń 150 elinen kelgen 13 myń sportshy badmınton, basketbol, sýdaǵy polo, voleıbol, gandbol, golf, dzıýdo, jeńil atletıka, ústel tennısi, júzý, bıiktikten sekirý, gımnastıka, sadaq atý, oq atý, stendtik atý, taekvondo, tennıs, fýtbol, semserlesý, kórkem gımnastıkadan jarys jolyna shyqty.
Ýnıversıadada qazaqstandyqtar 6 altyn jáne 4 qola medaldi jeńip, 11-shi oryndy ıelendi. El quramasynan V.Zıabkına (jeńil atletıka, 100, 200 m jáne estafeta 4h100 m), N.Mamaev (taekvondo), D. Balandın (júzý, 100 m), N.Fılıppov (jeńil atletıka, bıiktikke sekirý) «altyn» aldy. Al D. Balandın (júzý, 50 m.), A. Orynbaı, A. Mışýk ı J. Aıdarhanova, A. Frolov, V. Pochıvalov, A. Eşenko (bári – stendtik atý), A. Qashqyn (dzıýdo) úzdik úshtikke taban tiredi.
Taıpeı-2017
XXIX Dúnıejúzilik jazǵy Ýnıversıada Qytaıdyń Taıpeı qalasynda 2017 jyldyń 19-30 tamyzy aralyǵynda boldy. Álemniń 142 elinen kelgen 7639 sportshy bılıard, badmınton, basketbol, beısbol, sý doby, voleıbol, golf, dzıýdo, jeńil atletıka, ústel tennısi, júzý, sekirý, rolık sporty, gımnastıka, sadaq atý, tennıs, taekvondo, aýyr atletıka, ý-shý , semserleý, fýtbol, kórkem gımnastıkadan synǵa tústi.
Ýnıversıadada Qazaqstan quramasy 21-shi oryndy ıelendi. El quramasy enshisinde 16 medal bar (3 altyn, 6 kúmis, 7 qola). Jarys barysynda aýyr atletıkadan Albert Lınder (salmaǵy 69 kg), Aıdar Kazov (77 kg) jáne Denıs Ýlanov (85 kg) chempıondyq tuǵyrǵa kóterildi.
Al sýǵa júzýshi Dmıtrıı Balandın (200 metrge brass ádisimen), Jansel Denız (taekvondo, 73 kg), aýyr atletter Rýstem Sybaı (94 kg) men Karına Gorıcheva (69 kg), jeńil atlet Sergeı Grıgorev (syryqpen sekirý) jáne Rýslan Lıbırov (ý-shý, 70 kg) ekinshi orynǵa jaıǵassa, dzıýdoshylar Rýstam Ibraev (60 kg), Bekádil Shaımerdenov (73 kg) jáne Otgontsetseg Galbadrah (48 kg), sýǵa júzýshi Dmıtrıı Balandın (100 metrge brass ádisimen), QR taekvondodan erler komandasy, aýyr atlet Arlı Chonteı (56 kg) jáne Bagdat Kenjetaev (ý-shý, 80 kg) úzdik úshtikke ilikti.
Neapol-2019
XXX Dúnıejúzilik jazǵy Ýnıversıada Italııanyń Neapol qalasynda 2019 jyldyń 3 shilde men 14 shilde aralyǵynda ótkizildi. 112 elden 5971 sportshy basketbol, vaterpol, voleıbol, dzıýdo, jeńil atletıka, ústel tennısi, júzý, sporttyq gımnastıka, sýǵa sekirý, parýs sporty, sadaq atý, regbı-7, tennıs, taekvando, semserlesý, fýtbol, oq atý, kórkem gımnastıkadan júldelerdi sarapqa saldy.
Ýnıversıadada Qazaqstan quramasy 25-shi oryndy ıelendi. Qazaqstan 7 medal jeńip aldy (1 altyn, 5 kúmis, 1 qola). Olardyń qatarynda dzıýdoshy Ǵalymjan Qyryqbaı (90 kg joǵary) chempıon atansa, Mıhaıl Lıtvın (jeńil atlet, 400 metr), Zoıa Kravchenko (stend atý, skıt), Smaıyl Dúısebaı (taekvondo, 87 kg.), Narıman Kýrbanov (gımnastıka) jáne Mılad Karımı (gımnastıka) «kúmis», stend atýdan Sársenkúl Rysbekova «qola» aldy.
Eske salsaq, budan buryn Qazaqstan sportshylarynyń Ýnıversıadadaǵy jarys kestesi jarııalandy.
