Jazǵy Ýnıversıada: Qazaqstan qorjynyna taǵy úsh medal tústi

ASTANA. KAZINFORM — HHHІІ Dúnıejúzilik jazǵy Ýnıversıadada taekvondodan Qazaqstan qorjynyna taǵy úsh medal tústi.

Dúnıejúzilik dodada dzıýdodan qola úshin beldesýde Aman Baqytjan (60 keli) synǵa túsip, grýzııalyq balýan Lýka Modebadzeni jeńdi.

Sondaı-aq Nurqanat Serikbaev (66 keli) ýkraınalyq Mıkıta Holoborodkony qapy qaldyryp, úzdik úshtikten kórindi. 

Al elimizdiń taekvondodan aralas quramasy Ýnıversıada oıyndarynyń qola júldegeri boldy. Qurama sapynda Beıbarys Qabylan, Samırhon Ababakırov, Aıdana Súndetbaı jáne Nazym Mahmýdova synǵa tústi.

Qazirge deıin el quramasynan taekvondoshy Samırhon Ababakırov altyn alsa, Damır Shúlenov, Tamırlan Tileýles, Batyrhan Tóleýǵalı, Beıbarys Kablan jáne Nodıra Ahmedova qola júldeger atandy. Oǵan qosa kórkem gımnastıkadan Aıbota Ertaıqyzy úzdik úshtikten kórindi.

Baıraqty básekede el namysyn 12 sport túri boıynsha 76 sportshy qorǵaıdy.

Dúnıejúzilik doda 16-27 shilde aralyǵynda Germanııanyń Reın-Rýr óńirinde ótedi.

Aıta keteıik, 2023 jyly Qytaıdyń Chendý qalasynda ótken HHHІ jazǵy Ýnıversıadada Qazaqstan quramasy 2 altyn, 7 kúmis, 11 qola medal jeńip aldy. Eń joǵary nátıje 2013 jyly Qazan qalasynda ótken Ýnıversıadada tirkeldi. Munda sportshylar 30 medal enshilegen bolatyn.

Buǵan deıin Týrızm jáne sport mınıstrligi sport salasyn qarjylandyrý tetikterin jetildirý jáne bıýdjet qarajatyn tıimdi basqarý baǵytynda júıeli jumystar júrgizip jatqanyn jazǵan edik.