Jaz mezgili juqpaly ishek aýrýlarynyń órshıtin kezi - maman

ALMATY. QazAqparat – Jaz aılary juqpaly jedel ishek aýrýlarynyń bas kóteretin kezi. Ásirese, kókónis pen jemis-jıdekten ýlanyp qalý qaýpi óte joǵary bolady. QR Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń qoǵammen baılanys bóliminiń basshysy Erjan Baıtanaev QazAqparat tilshisine ishek ınfektsııalarynyń profılaktıkasy týraly aıtyp berdi.

Erjan Baıtanaev jyl mezgilderiniń ystyq kezderinde basqa ýaqytqa qaraǵanda ishek ınfektsııalarynyń órshýi joǵary bolatynyn jetkizdi.

«Jiti ishek ınfektsııasy - bakterııalar men vırýstardyń túsýinen, asqazan-ishek joldarynyń zaqymdanýymen júretin juqpaly aýrýlar toby. Іshektiń aýrýǵa shaldyǵýy, ishtiń buzylýy organızminiń keıbir taǵamdardy qoryta almaýymen baılanysty. Vırýstyq ishek ınfektsııalarynyń qozdyrǵyshtary - rotavırýstar, norovırýstar, adenovırýstar. Onyń qozdyrǵyshtary syrtqy ortada turaqty, olar qolda, ydysta, oıynshyq pen turmystyq zattarda, topyraqta jáne sýda uzaq ýaqyt saqtalýy múmkin. Infektsııa ádette dezınfektsııa jasaǵan kezde óledi»,- deıdi spıker.

Infektsııa gıgıenalyq tazalyqtyń tómen dárejede bolýynan, azyq-túlikterden: jýylmaǵan kókónisterden, pisirilmegen sútten, sapasyz taǵamdar paıdalanǵannan, shala pisirilgen taǵamdardy qoldaný, sondaı-aq, aýyz sýdy qaınatpaı ishkendikten, las sýǵa túskendikten juǵady.

«Tez buzylatyn tamaq ónimderin saqtaý sharttary men merzimderin qatań saqtaý kerek. Azyq-túlikti arnaıy saýda núktelerinen jáne onyń qaýipsizdigi men sapasyn rastaıtyn qujattary bolǵan jaǵdaıda ǵana satyp alǵan jón. Daıyn taǵam qaldyqtaryn mindetti túrde tońazytqyshta beti jabyq ydysta, shıki men daıyn taǵamdy bólek ydysta saqtaý kerek. Kókónister men jemisterdi kem degende 2 saǵat sýǵa salyp qoıǵan durys. Sol kezde ondaǵy nıtrat joıylady. Tutynar aldynda qaınaǵan sýmen bir shaıyp alsańyz artyq bolmaıdy»,- deıdi ol.

Onyń aıtýynsha, tabıǵı jolmen eshqandaı nıtrattar qoldanylmaǵan kókónis pen jemistiń dámi de, ıisi de erekshe bolady.

«Kókónister men jemis- jıdekterdiń el aldymen syrtqy túrine nazar aýdarǵan durys. Tabıǵı jolmen, óz ýaqytynda pisken kókónister men jemister dárýmenge baı bolady. Al syrttan tasymaldanatyn jemister de dárýmender az. Sondyqtan jergilikti kókónister men jemisterdi, dálirek aıtsaq, bizdiń elde ósetinderdi jıi paıdalanýdy usynamyz. Árbir jemistiń paıdasy alýan túrli «,- deıdi spıker.