Jaıyq jáne Qıǵash ózen saǵasyn tereńdetýge 3 mlrd teńge jumsalmaq

ASTANA. QazAqparat – 2023 jyly Jaıyq jáne Qıǵash ózenderiniń saǵalaryn tereńdetýge 3 mlrd teńge bólý josparlaǵan. Bul týraly búgin Úkimet otyrysynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Balyqtardyń tabıǵı ýyldyryq shashýyna jaǵdaı jasaý boıynsha is-sharalar qabyldanýda. Memleket basshysynyń tapsyrmasyn oryndaý maqsatynda Jaıyq jáne Qıǵash ózenderiniń saǵalaryn tereńdetý jumystary júrgizilýde. Osy maqsattarǵa bıyl 3 mlrd teńge bólindi jáne qyrkúıekten bastap balyq ótetin arnalarda uzyndyǵy 32 shaqyrym sý túbin tereńdetý jumystary júrgizildi. Kelesi jylǵa 3 mlrd teńge kózdelgen», - dedi mınıstr Úkimette Balyq salasyn damytý baǵdarlamasynyń bıylǵy qorytyndysyn baıandaı kele.

Sonymen qatar ol keme qatynasy sý joldarynda túp tereńdetý jumystaryn júrgizý máselesi ózekti bolyp qala beretindigin aıtty.

«Buǵan Indýstrııa jáne ınfraqurylymdyq damý mınıstrligi kelesi jylǵa arnalǵan respýblıkalyq bıýdjetti alǵashqy naqtylaý aıasynda qarajat kózdeýdi josparlap otyr», - dedi ol.

Buǵan deıin elimizde balyq ónimderin óndirý sýbsıdııalanatyny aıtyldy.