«Jaıly mektep»: Jyl sońyna deıin 28 aýyldyq mektep paıdalanýǵa beriledi
ASTANA. KAZINFORM – Jyl sońyna deıin «Jaıly mektep» jobasy aıasynda taǵy 28 aýyldyq mektep paıdalanýǵa beriledi. Bul týraly Májilis depýtattarynyń saýalyna Premer-mınıstrdiń orynbasary Qanat Bozymbaevtyń jaýabynda aıtylǵan.
«Búgingi tańda respýblıkada 5 084 aýyldyq mektep jumys isteıdi. 2024 jyly respýblıkalyq jáne jergilikti bıýdjetter qarajaty, sondaı-aq demeýshilik qarajat esebinen aýyldyq eldi mekenderde 28 596 oqýshyǵa arnalǵan 54 mektepti paıdalanýǵa berý josparlanǵan. Búgingi kúni 2 aýysymda 15 800 oqýshyǵa arnalǵan 25 mektep paıdalanýǵa berildi. Osy jyldyń sońyna deıin 2 aýysymda 12 796 oqýshyǵa taǵy 29 mektepti paıdalanýǵa berý josparlanǵan», - dedi vıtse-premer jaýabynda.
Onyń atap ótýinshe, bul 8 540 oqýshy ornyna shaqtalǵan 15 apatty jáne 7 úsh aýysymdy mektep máselesin sheshýge múmkindik beredi. Budan basqa bıyl «Jaıly mektep» Ulttyq jobasy aıasynda 35 600 oqýshyǵa ornalǵan 44 aýyldyq mektepti paıdalanýǵa berý josparlanǵan. Qazirgi tańda 12 900 myń oqýshyǵa arnalǵan 16 mektep paıdalanýǵa berildi jáne jyl sońyna deıin 22 700 oqýshyǵa arnalǵan 28 mektepti paıdalanýǵa berý josparlanyp otyr.
«2024 jyly 189 aýyldyq mektepte kúrdeli jóndeý jumystary bastaldy. 158 mektepte kúrdeli jóndeý jumystary aıaqtaldy. 31 mektepte jóndeý jumystary jalǵasyp jatyr», - dedi Úkimet basshysynyń orynbasary.
