«Jaıly mektep» ulttyq jobasyna ózgerister engizildi

ASTANA. KAZINFORM — 2025 jylǵy 30 sáýirdegi Úkimet qaýlysymen «Jaıly mektep» ulttyq jobasyna ózgerister engizildi.

Atap aıtqanda, ulttyq jobany iske asyrý jónindegi is-qımyl jospary naqtylandy. Osylaısha eki aýysymda oqıtyn mektepter máselesin sheshý úshin keminde 460 400 oqýshy ornymen qamtý josparlanyp otyr:

— 2024 jyly — 257 000 jańa oqýshy orny (buryn 260 600 oryn josparlanǵan bolatyn);

— 2025 jyly — 203 400 jańa oqýshy orny (buryn 199 800 oryn josparlanǵan).

Apatty jaǵdaıdaǵy mektepterdi azaıtý:

— 2023 jyly — 0,2%;

— 2024 jyly — 0,2%;

— 2025 jyly — 0,1%.

Ulttyq jobaǵa sáıkes 460 400 jańa oqýshy ornyn (eki aýysymdy oqytý jaǵdaıynda) salý jospary:

2024 jyly — 454 000 oryn;

2025 jyly — 6 400 oryn.

Jaıly mektepterdi paıdalanýǵa berý úlesi:

— 2024 jyly — 50,6%, onyń ishinde: qalalarda — 30,3%, aýyldarda — 20,3%;

— 2025 jyly — 100%, onyń ishinde: qalalarda — 60,9%, aýyldarda — 39,1%.

Qaýly qol qoıylǵan kúninen bastap kúshine enedi.

Sáýirde jyl sońyna deıin el boıynsha 112 jaıly mektep paıdalanýǵa beriletini belgili boldy.

Eske sala ketsek, Memleket basshysy bıylǵy quryltaı otyrysynda jaıly mektepter qurylysyn synǵa alǵan edi.