Jaıyq ózeniniń ústindegi kópir oıylyp qaldy

ATYRAÝ. KAZINFORM – Atyraý qalasynyń aýmaǵynda kólik qozǵalysyn retteý úshin Jaıyq ózeniniń ústinen 6 kópir salynǵan. Kópirdiń birinde oıyq paıda boldy.

Bul týraly áleýmettik jelide vıdeo  tarady. Vıdeo avtory kópirdi jóndeý qajettigin kóterdi.

Kópirdegi jaryqshaq kólik qozǵalysyn toqtatýǵa sebep bolýy múmkin be? Osyǵan oraı Atyraý qalalyq ákimdiginiń baspasóz qyzmetine habarlasqan edik.

«Atyraý qalasyndaǵy aınalma jol kópirinde paıda bolǵan oıyq týraly beınematerıal áleýmettik jelide tarady. Osyǵan baılanysty qalalyq jolaýshylar kóligi jáne avtomobıl joldary bóliminiń mamandary oqıǵa ornyna bardy. Qazir mamandar qajetti zerdeleý jumystaryn júrgizip jatyr. Zerdeleý nátıjesimen oıyqty jóndeý jumystary jol qozǵalysyn shekteýmen nemese shekteýsiz júrgizý týraly sheshim qabyldanady. Tolyq aqparat qosymsha habarlanatyn bolady», -dep málim etti ákimdiktiń baspasóz qyzmeti.

Ákimdiktiń málimetine qaraǵanda, atalǵan kópirdiń uzyndyǵy – 305 metr, al, eni ótkelimen birge 14 metrdi quraıdy. Bul kópir 1985 jyly ashylǵan.

Eske sala ketelik, buǵan deıin Atyraýda jyl basynan beri jol apatynan 73 adam mert bolyp, 858-i jaraqat alǵanyn jazǵan bolatynbyz.