Jaıyq ózeniniń deńgeıi Oral qalasynda 8 metrge jýyqtady
ORAL. KAZINFORM - Jaıyq ózenindegi sý deńgeıi Oral qalasy tusynda bir táýlikte 13 santımetrge kóterildi.
«Qazgıdromet» RMK BQO fılıalynyń 19 sáýir kúni saǵat 08.00-degi málimeti boıynsha Oralda Jaıyq deńgeıi 794 santımetrge jetti, ıaǵnı 8 metrge (qaýipti shegi 850 sm) jýyqtady.
Ózen deńgeıi Báıterek aýdany ıAnvartsev gıdrobeketinde birden 28 santımetrge joǵarylap, 884 santımetrdi (mundaǵy qaýipti shegi 1 250 sm) kórsetti.
Jaıyq ózeni sondaı-aq Kóshim (+2, 788 sm) men Taıpaq aýyly (+9, 495 sm) tusynda da kóterilip keledi.
Sonymen qatar Kóshim kanalynda sý deńgeıi 823 santımetrge jetti (+2, qaýipti shegi — 800).
Oral qalasy men Jaıyq ózeni boıynda ornalasqan 84 eldi mekenge tóngen qaýip áli seıilgen joq.
Eske sala keteıik, budan buryn Batys Qazaqstanda sýǵa ketken 820 úıge turǵyndar qaıtyp oralǵanyn jazǵan bolatynbyz.
