Jaıyq ózenindegi sý deńgeıi tómendeı bastady

ORAL. KAZINFORM — Jaıyq ózenindegi sý deńgeıi Oral qalasy tusynda 476 santımetrdi kórsetti.

«Qazgıdromet» RMK BQO fılıalynyń búgin tańdaǵy málimeti boıynsha ótken táýlikpen salystyrǵanda, qalada osy derek ózgergen joq.

Tasqyn bastalǵannan beri oblys ortalyǵyndaǵy gıdrobekette sý deńgeıi 317 santımetrge kóterildi.

Oblystyń bas ózeni Bórli aýdany Jarsýat aýylynda bir táýlikte birden 19 (574 sm), Báıterek aýdany ıAnvartsev gıdrobeketinde 3 (541 sm), Kóshimde 1 (466 sm) santımetrge tómendedi. Tek Aqjaıyq aýdany Taıpaq aýyly tusynda 4 (462 sm) santımetrge joǵarylaǵany baıqalady.

Orynbor oblysyndaǵy Irekli qoımasynan Jaıyq ózenine burynǵysha sekýndyna 15 tekshe metr sý jiberilýde.

- Jaıyqtaǵy sý deńgeıi osymen sharyqtaý shegine jetti deýge bolady, - dedi «Qazgıdromet» RMK BQO fılıalynyń dırektory Tilegen Shapanov.

Eske sala keteıik, budan buryn Jaıyqtaǵy sý deńgeıi Oral qalasyndaǵy gıdrobekette 460 santımetrge jýyqtaǵanyn jazǵan bolatynbyz.