Jaıyq ózenindegi sý deńgeıi Oral qalasy tusynda 864 santımetrdi kórsetti
ORAL. KAZINFORM — Jaıyq ózenindegi sý deńgeıi Oral qalasy tusynda 864 santımetrdi (qaýipti shegi – 850 sm) kórsetti.
«Qazgıdromet» RMK BQO fılıalynyń 23 sáýir kúngi tańǵy saǵat 08.00-degi málimetine qaraǵanda, bir táýlikte sý deńgeıi 2 santımetrge ǵana kóterilgen.
Túngi saǵat 00.00-de Oral qalasy tusynda 865 santımetrge jetken edi.
Ózen boıynda BQO aýmaǵyndaǵy alǵashqy gıdrobeket – Báıterek aýdany ıAnvartsev aýylynda sý deńgeıi 6 santımetrge tómendedi. Qazir onda 894 sm (qaýipti shegi – 1 250 sm) bolyp tur.
Esesine ózen boıynda BQO aýmaǵyndaǵy alǵashqy gıdrobeket – Báıterek aýdany ıAnvartsev aýylynda sý deńgeıi 6 santımetrge tómendedi. Qazir onda 894 sm (qaýipti shegi – 1 250 sm) bolyp tur.
Báıterek aýdany Kóshim aýylynda 856 santımetrge (+5) jetip, qaýipti deńgeıden 6 santımetrge asty. Aqjaıyq aýdany Taıpaq aýyly tusynda bir táýlikte 8 santımetrge joǵarylaǵan (529 sm).
Sondaı-aq Kóshim kanalynda 825 santımetrge jetti (+2, qaýipti sheginen 25 santımetrge artyq).
Shaǵan ózeniniń Báıterek aýdany Chývashın aýyly tusynda kóterilýi baıqalady (744 sm, +4, qaýipti deńgeıi – 1 300 sm).
Oblystyń basqa ózenderinde sý deńgeıi túsken.
Eske sala keteıik, budan buryn BQO-da sý tasqynynan zardap shekken turǵyndardan 5 500 ótinish qabyldanǵanyn jazǵan bolatynbyz.
Sondaı-aq Oral saıajaıynda keı úılerdi bir emes, birneshe ret sý basqan.
