Jaıyq ózeninde sý deńgeıi 858 santımetrge jetti

ORAL. KAZINFORM — Oral qalasyndaǵy Jaıyq ózeninde sý deńgeıi 8 santımetrge kóterilip, 858 santımetrge jetti. Bul týraly Tótenshe jaǵdaılar mınıstrligi habarlady.

TJM kúshteri jáne quraldary Batys Qazaqstan oblysynda táýlik boıy jumys istedi. Osy saǵatqa deıin qutqarýshylar bógetter turǵyzyp, ony nyǵaıtý jumystaryn júrgizdi. Sonymen qatar ýaqytsha topyraq úıindileri jabdyqtaldy.

Buǵan deıin Tótenshe jaǵdaılar mınıstrligi Oral mańyndaǵy saıajaılardan taǵy biraz turǵyn kóshirilgenin habarlaǵan edi.

Іzdestirý-qutqarý jumysy barysynda Oral qalasynyń mańyndaǵy sý basqan aımaqtardan TJM kúshimen saıajaıdyń 60-tan astam turǵyny metall qaıyqpen evakýatsııalanǵan.

Azamattardy shuǵyl evakýatsııalaý boıynsha búkil jumys TJ mınıstri Shyńǵys Árinovtyń jetekshiligimen júrip jatyr.

Eske sala ketken jón, bir apta buryn qutqarýshylar azamattardan úıin tastap ketýdi talap etken bolatyn.

Alaıda, olar evakýatsııalyq pýnkterge ornalasýdan bas tartqan.

Eske sala keteıik, budan buryn Oral qalasynda Jaıyqtaǵy sý deńgeıi qaýipti shekten asyp ketkenin jazǵan bolatynbyz.

Oral qalasy tóńireginde saıajaılar sýǵa ketip jatyr.

BQO TJ departamenti sý basqan aýmaqtarda qalý qaýipti ekenin eskertti.

Oral saıajaılarynan adamdar májbúrli túrde kóshirilip jatyr.