«Jaıyq» fýtbol klýby óz tarıhyndaǵy alǵashqy oıynda iri eseppen jeńiske jetti

ORAL. KAZINFORM — Fýtboldan ekinshi lıgada óner kórsetetin Oraldyń «Jaıyǵy» óz alańynda almatylyq «Jeıran» klýbyn qabyldady.

Bul bıyl «Aqjaıyq» fýtbol klýbynyń ornyna qurylǵan atalmysh komandanyń óz tarıhyndaǵy alǵashqy oıyny edi.

Birinshi taımda 24-mınýtta qonaqtardan Aldııar Ahanov esep ashty. 

Arada 2 mınýt ótkende, Islam Amangeldıev tarazy basyn teńestirdi. 33-mınýtta Islam esepti 2:1-ge jetkizdi. 36-mınýtta Magommed Odjıev mergendik tanytty. 46-mınýtta Temirlan Úmbetov matchtyń núktesin qoıdy – 4:1. 

Vıacheslav Nevolnıkov jattyqtyratyn oraldyq klýb bıyl birinshi lıgaǵa joldama alýdy maqsat etip otyr.

Eske sala keteıik, budan buryn Batys Qazaqstanda jańa fýtbol klýby qurylǵanyn jazǵan bolatynbyz.

«Jaıyq» fýtbol klýby Qazaqstannyń ekinshi lıgasynda oınaıtyn boldy.