«Jasyl ıpoteka» baǵdarlamasynyń aıasynda Otbasy bank óz klıentterine 1400-ge jýyq páter usynady
Bıylǵy jyldyń basynda Astanada ótinishterdi qabyldaý bastaldy. Qazirgi tańda 100-ge jýyq nesıe berilgen.
Otbasy bank «jasyl ıpoteka» jobasyn iske qosqaly, «jasyl standarttarǵa» saı úıler salyp, bankpen yntymaqtastyq ornatqysy keletin qurylys kompanııalarynyń sany artty. Máselen, qazir elordada salynyp jatqan alty turǵyn úı kesheninen baspana alýǵa bolady. Tańdaýǵa 1000-nan astam páter bar. Almatyda taǵy eki turǵyn úı kesheni jobaǵa qatysyp jatyr. Al Shyǵys Qazaqstan oblysy, Abaı aýdany, Aqtóbe jáne Shymkent qalalarynda atalmysh standart talaptaryna saı bir-birden turǵyn úıden bar.
«Jasyl standartty» turǵyn úılerge LEED, BREEAM jáne qazaqstandyq ÓMІR standarttaryna sáıkestik sertıfıkaty bar nysandar jatqyzylady.
«Jasyl standartty» páterlerdi 20% bastapqy jarnamen, Otbasy bank arqyly satyp alýǵa bolady. Nesıe mólsherlemesi 12,5% (JTSM 13,3% bastap). Nesıeniń maksımaldy somasy – 35 mln teńge.
«Jasyl ıpotekany» júzege asyrý úshin Otbasy bank birinshi kezeńde óz qarajaty esebinen 10 mlrd teńge bóldi. Qarajat suranysqa baılanysty alty aımaqqa bólinedi.
Sondaı-aq Otbasy bank «Óz úıim» baǵdarlamasy aıasynda qurylys salýshylarmen de yntymaqtasady. Atalmysh baǵdarlamanyń kómegimen qazaqstandyqtar búginniń ózinde 22 446 baspana alyp, qonys toıyn toılady.
Otbasy bankiniń jeke baǵdarlamalary turǵyn úıdi naryqtyq baǵadan tómen baǵamen satyp alýǵa kómektesedi. Nesıe mólsherlemesi 3,5%-dan (JTSM 3,6% bastap) 10%-ǵa deıin (JTSM 10,1% bastap).
Baǵdarlama sharttaryna sáıkes alǵashqy jarna turǵyn úı qunynyń 50 paıyzyna teń bolýy kerek. Nesıe 25 jylǵa deıin beriledi.
«Óz úıim» 7 jyl buryn iske qosylǵan bolatyn. Baǵdarlamanyń alǵashqy jylynda 70 nesıe berildi. Qazir jylyna orta eseppen 4000 nesıe rásimdeledi. Bıylǵy jyly zaemnyń basym bóligi Almaty, Astana, Shymkent, Qostanaı jáne Shyǵys Qazaqstan oblystarynda berildi. ıAǵnı, bul aımaqtarda qurylys salýshylar sharshy metrlerdiń suranysqa ıe sanyn qamtamasyz etip, Otbasy bank klıentterine jańa turǵyn úı satyp alý úshin ońtaıly jaǵdaı jasaýǵa daıyn.
«Jasyl ıpoteka» jobasyna jáne «Óz úıim» baǵdarlamasyna qatysý úshin baspananyń bar-joǵy jáne turaqty tirkeý mańyzdy emes. Máselen, elimizdiń kez kelgen óńiriniń turǵyndary elordadan baspana satyp ala alady.
Otbasy bankiniń Basqarma tóraıymy Lázzat Ibragımova basqa da jobalar men josparlar týraly bıznes-forým aıasynda áńgimeleıdi. Ol Astana qalasynda 2023 jyldyń 20 mamyrynda «Úzdik qurylys salýshylardyń júzdigi» halyqaralyq kórmesi alańynda ótedi.
Sondaı-aq forýmda «My Home MWC» qurylys kompanııasynyń kommertsııalyq dırektory Qaırat Álibekov, «Asar úme» qaıyrymdylyq qorynyń negizin qalaýshy Ashat Nurmashev, Qazaqstandaǵy «Smart Home» júıesiniń ókili, kásipker Ulyqpan Esenǵulov, Freedom Bank astanalyq fılıalynyń dırektory Ardaq Eleýsizov, «Igor Rybakovtyń X10 akademııasynyń» prezıdenti Alekseı Ershov, Dýbaıdaǵy ınvestıtsııalar boıynsha sarapshy Oksana Bakaeva jáne t.b. sóz sóıleıdi.
«Úzdik qurylys salýshylardyń júzdigi» kórmesine 6 eldiń – Qazaqstan, Birikken Arab Ámirlikteri, Túrkııa, Kıpr, Gúrjistan, Ózbekstan sııaqty iri qurylys kompanııalarynyń ókilderi men ınvestorlar qatysady.
Qatysýshylar ózekti salalyq máselelerdi talqylap, tájirıbe almasady. Kelýshiler ártúrli ınvestıtsııa joldaryn saralap, keń kólemde aqparat alyp, qurylys kompanııalarynan úı satyp alý boıynsha tikeleı tıimdi usynystar ala alady. Nesıe berý boıynsha keńesterdi qazaqstandyq bankterdiń qyzmetkerleri beredi.
«Úzdik qurylys salýshylardyń júzdigi» halyqaralyq kórme-bıznes-forýmynyń bas demeýshisi – Qazaqstandaǵy jyljymaıtyn múlik naryǵynda kórsetiletin rıeltorlyq qyzmettiń kóshbasshysy «Vıtrına Nedvıjımostı» kompanııasy. Sharanyń uıymdastyrýshysy – «Concierge Show» ıvent-kompanııasy.
Ótetin orny: Astana qalasy, Tuńǵysh Prezıdent murajaıy (Beıbitshilik k-si, 11). Ýaqyty: 10.00-den 22.00-ge deıin. Kirýi tegin.
