«Jasyl» ekonomıka jáne G-Global-dy damytý koalıtsııasy Elbasyn QR Prezıdenti laýazymyna kirisýimen quttyqtady
«Qurmetti Nursultan Ábishuly!
«Jasyl» ekonomıka jáne G-Global-dy damytý koalıtsııasynyń qatysýshylary atynan Sizdi Qazaqstan Respýblıkasy Prezıdentiniń laýazymyna kirisýińizben quttyqtaımyz!
Ulyqtaý saltanatty rásiminde sizdiń sóılegen sózińiz erekshe rýh syılady. Biz aıtylǵan negizgi erejelerdi qoldaımyz jáne olardy iske asyrýda óz úlesimizdi qosýǵa ázirmiz.
Siz bastamashylyq etken reformalar, shyndyǵynda, buqaralyq sıpatta. Sondyqtan muny qazaqstandyq memlekettilikti odan ári nyǵaıtý jolynyń naqty qadamdary dep túsinemiz.
Qazirgi ýaqytta, álemde kóp baǵytty zamanaýı úlgiler qalyptasyp jatqan jaǵdaıda, Siz qazaqstandyq qoǵamnyń ekonomıkalyq, saıası, mádenı salasyn jańǵyrtýdy usyndyńyz.
Bul elge óńirdiń áleýmettik-ekonomıkalyq damý deńgeıi boıynsha ǵana kóshbasshy bolyp qalmaı, sonymen birge óz básekege qabilettiligin arttyrýǵa múmkindik beredi.
Azamattyq qoǵamnyń rólin, sheshim qabyldaý úrdisiniń ashyqtyǵyn, qoǵamda ózin-ózi retteýdi damytýdy arttyrý boıynsha bastamańyzdyń mańyzy zor dep sanaımyz.
Qazaqstannyń kadrlyq áleýetin damytý úshin «Qazaqstan-2050» Strategııasy men «Nurly jol» ekonomıkalyq baǵdarlamasynyń tıimdi iske asyrylýy zor úles qosady dep sanaımyz», - delingen quttyqtaýda.
