Jasyl beldeýdi zııankes jándikterden qorǵaý hımııalyq emes, ǵylymı jolǵa qoıylýy tıis

ASTANA. 4 tamyz. QazAqparat - Pestıtsıdterdi shamadan artyq qoldaný janýarlar men ósimdik áleminiń jutań tartýyna qaýip keltirip jatyr. «Tabıǵat álemi» ekologııalyq-aǵartý ortalyǵynyń taratqan habarlamasynda osylaı delingen.

«Ormandy alqaptarda zııankes jándiktermen kúresýde, kóbine, pestıtsıdter qoldanylady. Hımııalyq óńdeýdiń basty utar tusy - zııankesterdi joıý nátıjesiniń birden kózge kórinýinde. Bul rette, mundaı amaldyń sońǵy ýaqytta keń paıdalanylýy ǵalymdardy alańdatýda. Qazaq ósimdik qorǵaý jáne karantın ǵylymı-zertteý ınstı­týty ǵalymdarynyń paıymdaýynsha, dárini shashqan kezde sý, topyraq, aýa lastanady. Turǵyndardyń túrli isik jáne allergııa­lyq, belsizdik aýrýlaryna shaldyǵýy da - osy pestıtsıd qaldyqtarynyń adam aǵzasynda jınaqtalýynan oryn alynan. Jıi jáne oılastyryl­maı júrgizilgen óńdeýdiń mundaı túri zııandy jándikterdiń ınsektıtsıdterge degen beıimdiligin arttyra­dy. Sonyń saldarynan qýraǵan aǵash zııankesterdiń shabýylyna tózimsiz bolyp qalady», - delingen habarlamada.

Onda atap kórsetilgenindeı, jasyl jelek aýrýlaryna qarsy kúres bıologııalyq amaldy qoldaný arqyly iske asqany abzal. Zııandy organızmderden orman qor­ǵaý shara­lary barysynda hımııalyq óń­deý­­den bas­qa, ǵylymı negizi de bolýy kerek. Osy rette, aǵashtardyń orman patologııalyq monıtorıngi, zııan­kes­terdiń jeke túri sanynyń monıtorıngi men boljamy kiretin karantındik jáne qorǵanysh shara­lardyń tolyq júıesi júrgizilip otyrýy tıis.

Aıta keteıik, «Tabıǵat álemi» ekologııalyq-aǵartý ortalyǵy Qyzylorda, Pavlodar jáne Shyǵys-Qazaqstan oblystarynyń orman sharýashylyǵy salasyndaǵy qyzmetkerlerine arnap biliktilikti arttyrý kýrstaryn uıymdastyrǵan. Mundaǵy basty maqsat - sala mamandaryna orman zııankesteri men jasyl jelekte kezdesetin aýrýlarǵa qatysty mol maǵlumat berip, osy máselelerdiń aldyn alýǵa baýlý.

Ormandy alqapta zııankes jándiktermen kúresýdiń aldyn alý sharalaryn júrgizýge bilikti kadr jetispeýshiligi de tosqaýyl bolýda. Sol sebepten, oqytý kýrstaryn júrgizgen ustazdar N. J. Ashyqbaev pen N. S. Muhamadıev qatysýshylarǵa salaǵa qatysty maǵlumatty keń kólemde berýge tyrysyp baqty. Semınar barysynda qatysýshylar dáris sabaqtaryna qatysýmen qatar, dala jumystarynda zııankes jándikterdi anyqtaý jáne olardy joıý joldaryn úırendi. Kýrs sońynda ár qatysýshy jobalyq jumys jazyp óz aýmaqtarynda kezdesetin zııankestermen kúresýdiń amaldaryn pysyqtady. Máselen, «Ertis ormany» jáne «Semeı ormany» rezervatynyń mamandary qaraǵaıly alqaptarda kezdesetin problemalardy talqyǵa salsa, qyzylordalyqtar sekseýil ormanyndaǵy máselelerdi alǵa tartty.

Sátti qorǵalǵan jumys avtorlaryna sertıfıkattar tabys etildi. Qatysýshylar alǵan bilimderin kúndelikti jumystarynda paıdalanbaq.

Aıta keteri, oqytý semınarlary Dúnıejúzilik damý banki men Orman jáne ańshylyq sharýashylyǵy komıtetiniń birlesken «Ormandardy saqtaý jáne respýblıkanyń ormandy jerlerin kóbeıtý» jobasy sheńberinde júzege asty. Aldaǵy ýaqytta «Tabıǵat álemi» ekologııalyq-aǵartý ortalyǵy erekshe qorǵalatyn aýmaq qyzmetkerlerine ekotýrızmdi damytý máselelerine qatysty oqytý semınarlaryn uıymdastyrmaq.