Jastar jylyna arnalǵan Biryńǵaı sharalar jospary jasalady

ASTANA. QazAqparat - Qazaqstandaǵy jas kóshbasshylar Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn júzege asyrýǵa qatysýdyń naqty mehanızmderin ázirleıdi, dep habarlaıdy QazAqparat tilshisi.

«15 qyrkúıek kúni Qazaqstandaǵy jastar uıymdarynyń ókilderi Ulttyq patrıottyq aktige qol qoıdy. Jas kóshbasshylar elimizdi jańǵyrtý boıynsha kún tártibin oryndaý úshin yntymaqtastyqty odan ári damytýǵa ýaǵdalasty. Prezıdent Joldaýy aıasynda Jastar jylyna arnalǵan Jastar uıymdarynyń biryńǵaı sharalary josparyn jasaımyz», - dedi «Jas Otan» jastar qanatynyń tóraǵasy Danııar Súndetbaev.

Danııar Súndetbaev jas kóshbasshylardyń Biryńǵaı jospardy ázirleý týraly sheshimin qýattap, onda jańa reformalardy qoldaýdyń maqsattary men mindetteri kórsetiletinin atap ótti.

Sondaı-aq atalǵan jospar jastardy jańa strategııalyq qujatty belsendi talqylaýǵa jáne iske asyrýǵa úndeıdi.