Jastar jyly: Astana ashyq ýnıversıteti jastarǵa eń ozyq bilimdi qoljetimdi etedi
Bul týraly Ulttyq aýdarma bıýrosynyń atqarýshy dırektory Raýan Kenjehanuly Astanada Jastar jylynyń resmı ashylý saltanatynda málimdedi.
«Ashyq ýnıversıtet platformasy zamanaýı tehnologııalar men bilim berý mindetin biriktire otyryp, bilim sapasyn jaqsartýǵa jáne ony qoljetimdi etýge múmkindik beredi. Ashyq ýnıversıtet ıdeıasy álemde keńinen qoldanylatyn qashyqtyqtan bilim berý men ashyq onlaın-kýrstar tájirıbesine negizdeledi. Mundaı kýrstardyń ádistemesi men tehnologııasy bilim berýdi derbestendiredi. ıAǵnı, ár adam ózine yńǵaıly ýaqytta, ózine yńǵaıly orynda jáne ózine yńǵaıly jyldamdyqpen oqıdy», - dedi Raýan Kenjehanuly.
Búginde álemde ashyq ýnıversıtetter jobalary qarqyndy damyp keledi. Álem boıynsha onlaın kýrstar tyńdaýshylarynyń sany 100 mln adamǵa jetken.
«Ásirese amerıkalyq ýnıversıtetterdiń kýrstary bazasynda qurylǵan Coursera (Kýrsera), EdX (Edeks) ashyq ýnıversıtetteri tanymal. Qashyqtyqtan bilim beretin tabysty jobalardyń biri dep Ulybrıtanııanyń ashyq ýnıversıtetin de ataýǵa bolady. Alǵashynda teń múmkindikter qoǵamyn kúsheıtý maqsatynda qurylǵan bul oqý ornynda qazir 170 myń stýdent oqıdy. Dál osy Ulybrıtanııanyń ashyq ýnıversıteti bizdiń jobanyń seriktesi bolýǵa kelisim berdi, olar oqýlyqtary men kýrstaryn ǵana emes, ádistemelik jáne tehnologııalyq atqarymdaryn berýge daıyn», - dedi ol.
Sonymen birge, Astana ashyq ýnıversıteti amerıkalyq Edeks pen Reseıdiń ashyq bilim berý ulttyq platformasynyń qoldaýyna ıe boldy.
«Osylaısha, Rýhanı jańǵyrý baǵdarlamasy jáne 100 jańa oqýlyq jobasy qazaqstandyq ashyq ýnversıtetti qurý men damytýǵa múmkindik beredi, qazaqstandyq stýdentterge álemniń úzdik ýnıversıtetteriniń kýrstaryn qoljetimdi etedi. Qazir portalǵa engizý úshin qazaq jáne orys tilderinde 100-den astam kýrs ázirlendi. Halyqaralyq sarapshylar bul jobany óńirlik bilim berý haby retinde joǵary baǵalady. Siz maquldaǵan jaǵdaıda, Astana ashyq ýnıversıteti óz kýrstaryn aldaǵy oqý jylynda usynýǵa daıyn», - dedi R. Kenjehanuly.
Aıta keteıik, Astanada «Táýelsizdiktiń urpaqtary» ataýymen Jastar jylynyń ashylý saltanaty ótip jatyr.
Sharaǵa Úkimet músheleri, QR Parlamenti depýtattary, jergilikti atqarýshy organ basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysýda. Sonymen qatar bul jıynǵa shyǵarmashylyq, stýdenttik jáne jumysshy jastar ókilderi, jas sportshylar, daryndy balalar, zamanaýı medıa salasynyń ókilderi, balalar úıiniń tárbıelenýshileri men túlekteri, jas áskerı qyzmetshiler keldi.
Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.
Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtqan bolatyn Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.
