Jasóspirimderdiń Qysqy Olımpıadasynda Qazaqstan hokkeı quramasy kimdermen oınaıdy

Jasóspirimder arasyndaǵy Qysqy Olımpıada oıyndarynda shaıbaly hokkeıden Qazaqstan jasóspirimder quramasynyń oıyn kestesi belgili boldy, dep habarlaıdy Kazinform.

Olımpıada oıyndary 2024 jyldyń 19 qańtary men 1 aqpan aralyǵyna Ońtústik Koreıanyń Kanvondo qalasynda ótkiziledi.

Qazaqstandyq jasóspirim hokkeıshiler 3h3 týrnırinde baq synaıdy. Bas bapker - Ramazan Kaıdarov.

Qurama Polsha, Avstrııa, Taıpeı, Latvııa, Danııa, Ispanııa jáne Ulybrıtanııa hokkeıshilerimen kúsh synasady.

Qazaqstan jasóspirimder quramasynyń oıyn kestesi:

20 qańtar. 15:00. Polsha – Qazaqstan
21 qańtar. 13:30. Qazaqstan – Avstrııa
21 qańtar. 20:30. Latvııa – Qazaqstan
22 qańtar. 12:00. Qazaqstan – Danııa
22 qańtar. 19:00. Taıpeı – Qazaqstan
23 qańtar. 12:30. Ispanııa – Qazaqstan
23 qańtar. 20:30. Qazaqstan - Ulybrıtanııa

Jasóspirimder arasyndaǵy Qysqy Olımpıada oıyndary 2012 jyldan beri turaqty túrde ótkizilip keledi.

Eske salsaq, budan buryn jasóspirimderdiń IV qysqy Olımpıadasyna Qazaqstannan qansha adam baratyny belgili boldy.

Qazirge deıin qazaqstandyq sportshylar 1 kúmis, 4 qola medalmen jalpy komandalyq esepte 30 orynda tur.