Jasandy ıntellekt jol sapasyn baqylaıdy
ASTANA. KAZINFORM – Qazaqstanda avtomobıl joldaryn baqylaý úshin SRDS (Smart Roads Diagnostics System) júıesi engizildi. Bul júıeni Jol aktıvteriniń ulttyq sapa ortalyǵy ázirlep, patenttegen. Bul týraly Kólik mınıstrligi málim etti.
— Jasandy ıntellekttiń kómegimen ár 100 shaqyrymdy qamtıtyn derekterdi óńdeý ýaqyty 4 kúnnen 4 saǵatqa deıin qysqardy. SRDS jol jamylǵysyndaǵy shuńqyrlar men oıyqtardy avtomatty túrde anyqtap, olardyń kólemi men uzyndyǵyn ólsheıdi, — delingen habarlamada.
Vedomstvonyń málimetinshe, dıagnostıka arnaıy jyljymaly zerthanalar arqyly júrgiziledi. Jyl saıyn jasandy ıntellekttiń kómegimen 15 myń km respýblıkalyq jáne shamamen 5 myń km jergilikti joldar tekseriledi.
Júıe nátıjeleri jóndeý jáne rekonstrýktsııalaý sheshimderiniń negizine alynyp, jol qaýipsizdigin arttyrýǵa, tıimdi josparlaýǵa jáne bıýdjet qarajatyn utymdy paıdalanýǵa múmkindik beredi.
Eske sala keteıik, aýyr júk kólikteri men jol sapasy máselesi tsıfrlandyrý arqyly sheshiletinin jazǵan edik.