Jasandy ıntellekt mınıstrligin qurýǵa qansha aqsha ketti

ASTANA. KAZINFORM — Jasandy ıntellekt jáne tsıfrlyq damý mınıstriniń mindetin atqarýshy Jaslan Mádıev ózi basshylyq etetin vedomstvony qataı qurylymdaýǵa qansha shyǵyn jumsalǵanyn týraly pikir bildirdi.

Mınıstr Májilistegi parlamenttik tyńdaýdan keıin BAQ ókilderiniń suraǵyna bergen jaýabynda vedomstvony qaıta ataýǵa eshqandaı shyǵyn ketpegenin málim etti.

— Shtat sany kóbeıtilgen joq. Kerisinshe qysqaryp jatyr. Óıtkeni keıbir fýnktsııalar basqa mınıstrlikterge beriledi. Innovatsııa tartý fýnktsııasy, mysaly. Sondyqtan bul jerde aıtarlyqtaı shyǵyn bolǵan joq, — dedi ol.

Eske salsaq, Prezıdent Qasym-Jomart Toqaev 18 qyrkúıekte memlekettik basqarý júıesin odan ári jetildirý jónindegi sharalar týraly qujatqa qol qoıdy.