Jasandy ıntellekt Qazaqstanda qaı salalarǵa enýi múmkin

Tsıfrlyq damý, ınnovatsııalar jáne aeroǵarysh ónerkásibi mınıstrliginiń mamandary redaktsııa saýalyna joldaǵan jaýabynda jasandy ıntellekt Qazaqstan ekonomıkasynyń qaı salalaryna enýi yqtımal ekenin aıtty, dep habarlaıdy Kazinform.

«Jasandy ıntellektti damytý strategııasy áli de bolsa ázirleý satysynda. Óıtkeni jasandy zeıin jalpy qoldanysqa arnalǵan tehnologııa bolyp esepteledi. Ol elimizde múmkin bolǵan barlyq salany qamtyp, óz áserin beredi. Ásirese ındýstrııanyń taý-ken ónerkásibi, munaı kenishterin óńdeý, jumys personalyn ońtaılandyrý sııaqty salalardy ózgertedi», – dep jazylǵan jaýapta.

Degenmen, vedomstvo ókilderi búkil álemde sııaqty Qazaqstanda da jasandy zeıin áýeli qaı salalarǵa enetinin naryq ózi retteıtinin aıtady. Al memlekettiń mindeti – sol jobalarǵa qolaıly jaǵdaı jasaý.

Resmı jaýapta málim etilgendeı, Ǵylym jáne joǵary bilim mınıstrligi eldiń joǵary oqý oryndarynda jasandy ıntellekt pánin ilki joba retinde engizgen. Sondaı-aq Astana Hub jáne basqa da ınvestıtsııa tartatyn ózge de ortalyqtar jasandy ıntellekt algorıtmderimen baılanysty startap jobalaryn qarastyryp jatyr.