«Jas ulan» respýblıkalyq mektebinde «Ǵarysh álemi» atty shyǵarmashylyq baıqaý ótti
Elimizdiń bolashaq Otan qorǵaýshylaryn daıyndaıtyn bul bilim berý mekemesine «KAZENERGY» qaýymdastyǵy demeýshi retinde birneshe jyl boıy jan-jaqty kómek kórsetip keledi.
Ótken baıqaý «KAZENERGY» jáne «Jas ulan» mektebiniń birikken bilim jobasynyń aıasynda iske asyp otyr. Onyń bas maqsaty - ǵarysh, fızıka jáne astronomııa salasynda bilim alyp jatqan jastardyń patrıottyq sezimin oıatyp, tanymaldyq talpynystaryn arttyrý jáne Qazaqstannyń ǵaryshty ıgerýge qosqan úlesin aıqyndaý boldy.
Jasóspirimder shyǵarmashylyq saıystyń úsh atalymy boıynsha óz jumystaryn qazylar alqasyna usyńdy: «Ǵarysh taqyrybyna arnalǵan úzdik sýret», «Ǵaryshqa ushý apparatynyń úzdik modeli» jáne «Ǵarysh taqyryby boıynsha úzdik sholý».
Kórkemsýret atalymy boıynsha birinshi oryndy Aleks Chmyr ıelendi, ekinshi oryn - Almaz Seıitkárimde, úshinshi oryn - Ardaq Álimjanda.
Eń úzdik dızaıner ataqtaryna ıe bolǵandar: Valerıı Shaposhnıkov (birinshi oryn), Dámir Mustahanov (ekinshi oryn) jáne Oleg Pýzıkov (úshinshi oryn)
Taǵy bir jas ulan Nurdaýlet Jumanuly «Ǵarysh taqyryby boıynsha úzdik sholý» atalymynda jeńimpaz atansa, onyń qurdastary Bogdan ıAtsyv pen Nursultan Qajybaev ekinshi jáne úshinshi oryndarǵa ıe boldy.
Sondaı-aq, bilimge talpynysy men shyǵarmashylyq sheberligi úshin Rýslan Qonaqov «KAZENERGY» qaýymdastyǵynyń arnaıy syılyǵyna ıe boldy.
Marapattaý rásimine aty ańyzǵa aınalǵan ushqysh-synaqshy, qazaqtyń tuńǵysh ǵaryshkeri - Toqtar Áýbákirov qatysty. Baıqaý qorytyndysy boıynda jeńimpazdar dıplomdarmen jáne estelik syılyqtarymen marapattaldy.
