Jas tennısshi Ańsar Nıetqalıev Eýropada jyldyń úzdik oıynshysy atandy
ASTANA. KAZINFORM — Qazaqstandyq, 14 jastaǵy Ańsar Nıetqalıev Eýropa tennıs qaýymdastyǵy (Tennis Europe Tour) tarapynan «Jyldyń úzdik sheteldik oıynshysy» atandy.
Qazaqstan tennıs federatsııasynan málim etkenindeı, Ańsar Eýropa odaǵyna kirmeıtin elder arasynan ozyp shyqty.
Bıyl joǵary nátıjelerge qol jetkizgen A.Nıetqalıev TE reıtıngisinde jyldy 41-orynmen aıaqtady.
Osy maýsymda qazaqstandyq tennısshi jekeleı synda Soul Cup ((Istanbul, Türkiye, ekinshi sanat), Ankara Cup (Ankara, Türkiye) jáne Ergan Cup (Erzincan, Türkiye, ekeýi de úshinshi sanat) týrnırlerinde jeńimpaz atandy. Oǵan qosa juptyq synda eki ret Soul Cup (Istanbul) jarysynda tıtýldy jeńip aldy. Sondaı-aq jekeleı synda taǵy eki TE dodasynda fınalǵa deıin jetti.
Astana tennıs mektebiniń túlegi Ańsar Nıetqalıevtiń jeke bapkeri – Muhamadamın Ermatov.
Budan buryn osy atalym boıynsha 2021 jyly Zara Dárken, 2022 jyly Zańǵar Nurlanuly, 2023 jyly Eva Korysheva men Danıel Tazabekov marapattalǵan bolatyn.
Eske sala keteıik, budan buryn Elena Rybakınanyń Dýbaıdaǵy álemdik týrnırde jeńimpaz atanǵanyn jazǵan bolatynbyz.
Sondaı-aq Jibek Qulambaeva álemdik reıtıngide birden 23 satyǵa joǵarylady.