Jas patrıottar onlaın-rejımde baq synasady
Eldegi sanıtarlyq-epıdemıologııalyq jaǵdaıǵa baılanysty is-shara alǵash ret onlaın rejımde ótkizilýde. Respýblıkalyq jıynǵa elimizdiń barlyq óńirlerinen 39 komanda qatysyp jatyr. Olardyń quramynda «Jas ulan» respýblıkalyq mektepteri, óńirlik áskerı mektep-ınternattary, Qarýly kúshterdiń áskerı-patrıottyq klýbtary, UQK Shekara qyzmeti, ІІM Ulttyq ulany, basqa da áskerler men áskerı quralymdardyń 585 tárbıelenýshisi bar.
«Jas sarbaz» respýblıkalyq áskerı-patrıottyq qozǵalysynyń qyzmeti jyl saıyn jandanyp keledi. 2018 jyldan bastap áskerı-patrıottyq klýbtardyń sany 2 828-den 6 640-qa deıin ósti. Al olardyń tárbıelenýshileriniń sany sońǵy jyldary 74 164-ten 195 886-ǵa deıin jetti.
Úılestirý maqsatynda Qarýly kúshterdiń Ulttyq áskerı-patrıottyq ortalyǵynda front-ofıs quryldy. Onda Led-ekran arqyly barlyq jarysqa qatysýshynyń ónerin kórýge bolady. Іs-sharany ótkizý úshin Aibynonline.kz onlaın platformasy jáne Aibyn mobıldi qosymshasy ázirlendi.
Bıyl áskerı-qoldanbaly sport túrlerinen jarys ótkizilmek. Baıqaýǵa qatysýshylar «Aıbyn daryny» ıntellektýaldyq oıynyna, «Aıbyn juldyzy», «Salamatty jas sarbaz», «Smart sarbaz» baıqaýlaryna qatysady. Eriktiler jyly aıasynda «Biz birgemiz» chellendjder baıqaýy ótedi.
Qazylar alqasy Nur-Sultanda jarysqa qatysýshylardyń ónerin sarapqa salady. Sonymen qatar komandalardyń onlaın kórsetilimderi men beınerolıkterin muqııat zerdelegennen keıin áskerı sarapshylar men mamandar áskerı mektepter men klýbtardyń respýblıkalyq baıqaýynyń jeńimpazdaryn anyqtaıdy.
«Aıbyn» VI respýblıkalyq áskerı-patrıottyq jastar jıynyn Qorǵanys mınıstri general-leıtenant Nurlan Ermekbaev ashty. Mınıstr qatysýshylarǵa jarysta tabys pen rýh sergektigin tiledi.
«Adal jáne tabandy kúreste jeńiske degen úmitterińizdi joǵaltpańyzdar, bastysy – jeńis emes, osy jarysta jetildire alatyn daǵdylar», – dep jıynǵa qatysýshylardy quttyqtady.
Іs-sharany jarııalaý úshin Qarýly kúshterdiń Ulttyq áskerı-patrıottyq ortalyǵynda Aibyntv stýdııasy ashyldy. Atalmysh stýdııada «Jas sarbaz medıa» shyǵarmashylyq tobynyń jas tilshileri jıyn konkýrstary men qorytyndylary týraly reportajdar júrgizedi.
Respýblıkalyq jıynynyń saltanatty jabylý rásimi QR Tuńǵysh Prezıdenti-Elbasy kitaphanasynda ótedi. Oǵan jeńimpaz komandalar kapıtandary shaqyrylatyn bolady. Bul rette barlyq óńirler beıne baılanys arqyly bas front-keńsege qosyla alady.
