«Jarqyn bolashaqqa birlesken qadam» - baspasózge sholý
***
Keshe Baıqońyr ǵarysh aılaǵynan Toqtar Áýbákirov, Talǵat Musabaevtan keıin úshinshi qazaq azamaty ǵaryshqa ushty. Bul týraly, árıne, elimizdiń, sondaı-aq shet elderdiń basylymdary jarysa jazýda. «Aıqyn» respýblıkalyq basylymy búgingi sanynyń birinshi betin Aıdyn Aıymbetovtiń ǵaryshqa saparyna arnaǵan.
«2015 jylǵy 2 qyrkúıek kúni qazaq ǵarysh tarıhyna taǵy bir esim jazyldy. Ol ǵaryshker - Aıdyn Aıymbetov. Astana ýaqyty boıynsha saǵat 10.37-de Baıqońyr ǵarysh aılaǵynan «Soıýz-TMA-18M» ǵaryshtyq kemesi ushty. Ekıpaj quramynda keme komandıri, reseılik ǵaryshker Sergeı Volkov, bortınjenerler - Danııanyń alǵashqy astronavty Andreas Mogensen men Qazaqstan Respýblıkasynyń ǵaryshker-synaqshysy Aıdyn Aıymbetov. Alańda ekıpaj ushyrylymyn júzdegen adam tamashalady. Olardyń ishinde Qazaqstannyń vıtse-premeri Berdibek Saparbaev, «Roskosmos», «Qazǵarysh», Eýropalyq ǵarysh agenttiginiń basshylary, ǵaryshkerlerdiń jaqyn-týystary bar. Balasyn ǵarysh saparyna shyǵaryp salý úshin Aıdyn Aıymbetovtiń anasy Jumagúl apa, Sergeı Volkovtyń ákesi - ǵaryshker Aleksandr Volkov, ekıpajdyń barlyq úsh múshesiniń zaıyptary men balalary keldi», - dep jazady basylym. Qazaq ǵaryshkeriniń kókke sapary týraly bul basylymnyń «Qazaq ulany ǵaryshqa attandy!» degen maqalasynan tolyq oqı alasyzdar.
Elimizdiń eń úlken qory - «Samuryq-Qazyna» ál-aýqat qorynyń basshylyǵy jylyna 345 mln. teńge kóleminde bonýstyq syıaqy alady eken. Bundaı aqparat ǵalamtor arqyly tez tarady. «Aıqyn» gazetiniń jazýynsha qordyń qarjy dırektory-basqarma múshesi Nurlan Rahmetov pen Adam resýrstary basqarmasynyń bas dırektory Denıel Krıýsberg shuǵyl túrde shaqyrylǵan tilshilerdiń aldyna shyǵyp, osy máselege qatysty túsinikteme bergen. «Jyl qorytyndysy boıynsha bonýstar kúlli álem boıynsha da qordyń dırektorlar keńesiniń sheshimi boıynsha ǵana menedjmentke tólenedi jáne olardyń mólsheri qyzmettiń naqty negizgi kórsetkishteri boıynsha maqsattarǵa qol jetkizý dárejesine táýeldi. Alaıda úsh jyldyq jalaqydan aspaýy qajet. ıAǵnı bonýstar qatań túrde zańnamaǵa sáıkes tólenedi. Al áńgimege aınalǵan 345,5 mln teńge kóleminde san - bul jalaqy men jyldyq bonýsty qosa alǵanda 2014 jyly qor basqarmasynyń músheler alǵan syıaqynyń jıyntyq somasy. Naqtylap aıtqanda 2014 jyly alynǵan jyldyq bonýs, bul - 2013 jyldyń jumysy nátıjesinde, menedjmentke aýdarylǵan bonýs bolyp tabylady. 2013 jyl-dyń osy bonýstary birneshe márte talqylanǵan bolatyn. Munda jeke tabys salyǵy men aýdarymdar da qosylady. Sondyqtan da, jalaqy men aýdarymdar somasyn alyp tastasaq, 2013 jylǵy basqarmanyń barlyq múshelerine aýdarylǵan jyldyq bonýstyń mólsheri 185,5 mln teńgeni quraıdy. Qor basqarmasynda alty adam baryn eskersek, ortasha jyldyq bonýs 31 mln teńgege teń», - dep jazady N.Rahmetovtiń sózin basylym. Al, qordyń basqarma tóraǵasy Ó.Shókeevtiń bul bonýsty nege almaı júrgenin bilgińiz kelse, «Aıqyn » gazetiniń búgingi sanyndaǵy «Sh ókeev bonýstan bas tartyp júr» degen maqalany oqyńyz.
***
Al, «Egemen Qazaqstan» gazeti QR Prezıdenti Nursultan Nazarbaevtyń Qytaı Halyq Respýblıkasyna memlekettik saparyn jazýdy jalǵastyrýda. Keshe Elbasy Beıjińde memlekettik sapary aıasynda birqatar ekijaqty kezdesýler ótkizip, Qytaı Kommýnıstik partııasynyń Ortalyq Komıteti janyndaǵy Partııa mektebinde boldy. Bul týraly jaza kele basylym: «Elbasy keshe sondaı-aq, Búkilqytaılyq halyq ókilderi jınalysy Turaqty komıtetiniń tóraǵasy Chjan Detszıanmen kezdesti. Kezdesýde eki eldiń parlamentaralyq ózara is-qımyl máseleleri talqylandy. Memleket basshysy Qazaqstan men Qytaıdyń zań shyǵarýshy organdary basshylarynyń turaqty baılanystary memleketaralyq ynty-maqtastyqtyń negizgi baǵyttaryn júzege asyrý úshin tıimdi quqyqtyq alań qalyptastyrýǵa múmkindik beretinin atap ótti», - dep jazady. Memleket basshysynyń ózge de eki jaqty kezdesýleri men partııa mektebindegi dárisi týraly «Jarqyn bolashaqqa birlesken qadam» atty maqaladan oqı alasyzdar.
«Qazaq handyǵynyń 550 jyldyǵy» mereıtoıy aıasynda bıyl qazaqtyń batyrlary men handary týraly biraz derekter jarııalandy. Alaıda, qazaq degen eldiń shekarasyn bekitip, jaýdy shegindirý úshin kúresken qanshama batyrdyń áli atyn da bilmeımiz. Sonyń biri - Er Jaýǵash Qyrbasuly týraly búgin «Egemen Qazaqstan» gazeti aýqymdy maqala usynyp otyr. «Ol týraly el aýzyndaǵy eski áńgimeler men jádiger jyrlar, tarıhı derekter jetkilikti bola tura, tipti jaýǵa shapqandaǵy qarý-jaraqtarynyń, paıdalanǵan buıymdarynyń ustyny osy kúnge deıin saqtalyp kelse de, batyrdyń erligine laıyqty áńgime az qozǵalatyn sııaqty. Bizdiń oıymyzsha, onyń bir sebebi, ol Almaty oblysynyń jerinde dúnıege kelip, jastyq shaǵyn Jambyl oblysynyń jerinde, al sanaly ǵumyrynyń kóbisin arqadaǵy Abylaı janynda ótkizgendigi bolý kerek. Sondyqtan da batyrdyń qaıdan shyqqanyn, ata-tegin shatastyrýshylar boldy. Mysaly, Qaıym Muqamedhanulynyń «Kim jeter Qabanbaıǵa dýa qonǵan» degen maqalasynda: («Qazaq ádebıeti», 7.02.1992) «Abylaı sáske kóterilgenshe amaldap, tynys almaqshy bolyp, bitim sóıleseıik dep, Qoralasuly Er Jaýǵash (arǵyn) degen jigitti elshige jiberedi» dep jazdy. Al shyn máninde - Er Jaýǵash Qoralasuly emes, Qyrbasuly. Qoralas rýynan shyqqan. Arǵy tegi - Dýlattyń Botpaıy dep kórsetti kezinde «Qazaq ádebıeti» gazetinde jarııalanǵan shaǵyn pikirinde professor Temirbek Qojakeev (17.04.1992)»,-degen derek keltirip otyr basylym. Elshi Er Jaýǵash Qyrbasuly týraly málimet bilgińiz kelse, «Egemenniń» búgingi sanyndaǵy «Er Jaýǵash» atty zertteý maqalaǵa kóz júgirtińiz.
***
Al, «Ekspress-K» gazetiniń habarlaýynsha, ánshi Maqpal Isabekova sańyraý jáne mylqaý adamdardyń tilin úırenipti. Ánshi jańa beınebaıanyn barynsha áserli etkisi kelgen bolý kerek, «Habarlaspa» degen ánine klıp túsirý úshin osy qadamǵa barǵan.
«Jańa beınebaıanda ánshi óziniń dramatıkalyq talantyn ashyp, mylqaýdyń kúıine engen. Súıtip, súıiktisine endi mazalamashy dep jalynǵan sátin kereń adamnyń keıpinde kórsetedi. Ánshi óz beınebaıanynyń sapasy men stsenarııine kóńili tolatynyn aıtty», - dep jazady basylym. Otandyq shoý-bıznestegi bul jańalyq týraly Ekspress-K gazetiniń búgingi sanyndaǵy «Tot, kto ne ponıal tvoego molchanııa, vrıad lı poımet tvoı slova» degen maqaladan oqı alasyzdar.
