Japonııanyń burynǵy premer-mınıstri Sındzo Abege qastandyq jasaldy

TOKIO. QazAqparat - Juma kúni tańerteń Japonııanyń burynǵy premer-mınıstri Sındzo Abege belgisiz bireý qastandyq jasady, dep habarlaıdy QazAqparat Kyodo aqparat agenttigine silteme jasap.

Lıberal-demokratııalyq partııanyń burynǵy basshysy jaraqat alǵany habarlanyp otyr.

Japonııanyń halyqaralyq NHK telearnasynyń habarlaýynsha, úgit-nasıhat naýqany aıasynda eldiń batysyndaǵy Nara prefektýrasyna kelip, halyq aldynda sóz sóılep turǵan Sındzo Abege belgisiz bireý oq atqan. Eks-premer denesine oq tıip, sol mezette jerge qulap túsken .

Oqıǵa jergilikti ýaqyt boıynsha 11:30-da bolǵan.

Órt sóndirý qyzmetiniń habarlaýynsha, burynǵy premer-mınıstr aýrýhanaǵa jetkizildi.

Polıtsııanyń aqparatyna sáıkes, kúdikti oqıǵa ornynda qamaýǵa alynǵan. Ol shamamen 40 jastaǵy er adam.