Japonııanyń ortalyq banki sońǵy 17 jylda mólsherlemeni eń joǵary deńgeıge kóterdi

ASTANA. KAZINFORM — Bul sheshim elde jalaqy kóterilýi múmkin degen boljam aıasynda qabyldandy, dep habarlaıdy Kyodo News aqparat agenttigi. 

Juma kúni Japonııa banki (BOJ) paıyzdyq mólsherlemesin 0,25%-dan 0,5%-ǵa deıin kóterdi, bul — sońǵy 17 jyldaǵy eń joǵary deńgeı.

Banktiń málimdeýinshe, eger ekonomıka men baǵa onyń boljamdaryna sáıkes ózgerse, ol negizgi qysqa merzimdi paıyzdyq mólsherlemeni kóterýdi jalǵastyrady.

Bul onyń Keńesi bıylǵy jylǵy kelissózder barysynda jalaqynyń kúrt ósýiniń kezekti raýndyna senimdi bolýy aıasynda mólsherlemeniń ótken jyldyń shildesinen beri birinshi joǵarylaýy.

Aqparat kózderiniń habarlaýynsha, AQSh prezıdenti Donald Tramptyń ınaýgýratsııasynan keıingi qarjy naryqtarynyń salystyrmaly turaqtylyǵy keńes múshelerine qosymsha senim berip otyr. 

Sońǵy ret negizgi qysqa merzimdi mólsherleme 2008 jyldyń qazan aıynda jahandyq ekonomıka qarjy daǵdarysynyń saldaryn sezine bastaǵanda 0,5%-dy qurady.

Inflıatsııa deńgeıi de 2022 jyldyń sáýirinen bastap Japonııa bankiniń 2% maqsatty kórsetkishiniń deńgeıinde nemese odan joǵary qalyp otyr.

Buǵan deıin Japonııada týý deńgeıi qazirgi deńgeıde jalǵasa berse, 2720 jyldyń 5 qańtaryna qaraı elde 14 jasqa tolmaǵan bir ǵana bala bolatynyn jazǵan bolatynbyz.