Japonııadaǵy áskerı polıgonda jas sarbaz 2 adamdy atyp tastady

TOKIO. KYODO-QazAqparat – Japonııanyń ortalyq bóligindegi áskerı polıgonda áskerge jańadan kelgen sarbazdardyń biri oq jaýdyryp, eki áriptesin mert qyldy, taǵy bireýi jaralandy, dep habarlaıdy QazAqparat Kyodo agenttigine silteme jasap.

Polıtsııa aqparaty boıynsha, oq jaýdyrǵan 18 jastaǵy sarbaz oqıǵa ornynda ustalyp, adam ómirine qastandyq jasady degen kúdikpen qamaýǵa alyndy. Ol Gıfý prefektýrasynda oq atýdy úırenip jatqan kezde vıntovkamen janyndaǵylardy atqan. Qaza tapqandardyń qatarynda 25 jastaǵy er adam bar.

Qarý qoldanyp, kúsh kórsetý Japonııada sırek kezdesedi, biraq byltyr shildeden bastap osyǵan uqsas birneshe oqıǵa tirkelgen. Sol kezde burynǵy premer-mınıstr Sındzo Abeni saıası mıtıngke narazylyqqa shyqqandardyń biri atty. Abe – Japonııada eń uzaq premer-mınıstr bolǵan tulǵa. Onyń ólimi eldi dúr silkindirdi.

Bıylǵy sáýirde premer-mınıstr Fýmıo Kısıdanyń saılaýaldy is-sharasy kezinde tútindetkish quty laqtyrylǵan bolatyn.

Al, mamyrda Naganoda jergilikti sheneýniktiń uly tórt adamdy óltirdi degen kúdikpen qamaýǵa alyndy.