Japonııadaǵy parlamenttik saılaýda basqarýshy koalıtsııa basym kópshiliginen aıyryldy

ASTANA. KAZINFORM – Japonııada jeksenbi kúni ótken saılaýdyń aldyn ala qorytyndysy boıynsha, basqarýshy koalıtsııa basym kópshiliginen aıyryldy, al oppozıtsııa parlamenttiń tómengi palatasynda kóbirek orynǵa ıe boldy. Endi basqarýshy koalıtsııanyń taǵdyry kelissózder arqyly sheshiletin bolady, dep habarlaıdy VVS. 

Resmı derekterge sáıkes, premer-mınıstr Sıgerý Isıbanyń Lıberaldyq-demokratııalyq partııasy (LDP) men «Komeıto» partııasynan turatyn blok kópshilik úshin qajetti 233 orynnyń 215-in aldy, al oppozıtsııalyq partııalar 250 orynǵa ıe boldy. 

Osylaısha, bul qorytyndy lıberal-demokrattardyń jekeshe bıligin toqtatýy múmkin.

NHK teleradıokompanııasynyń boljamy Japonııanyń soǵystan keıingi tarıhynyń kóp bóligin basqarǵan LDP jáne onyń koalıtsııalyq seriktesteri tómengi palatadaǵy 465 orynnyń 174 pen 254-in jeńedi dep kútkenin kórsetti. 

Sońǵy ret LDP kópshilikti 2009 jyly joǵaltqan. Onyń basty qarsylasy, burynǵy premer-mınıstr Esıhıko Nodanyń Japonııanyń Konstıtýtsııalyq-demokratııalyq partııasy aıtarlyqtaı tabysqa qol jetkizip, keminde 143 mandatqa ıe boldy.

BBC tilshileri atap ótkendeı, endi bılikte qalý úshin LDP shıelenisti saılaýda kúresken saıası kúshtermen koalıtsııa qurý týraly kelissózder júrgizip, muny álsiz pozıtsııadan jasaýy kerek.

Bul partııa sheginýge májbúr bolady degen sóz. 

Icıba oppozıtsııalyq partııalarmen kelissóz júrgizýge nıetti ekenin málimdegen.