Japonııada janartaýdyń atqylaýynan keıin jańa aral paıda boldy

TOKIO. Kyodo-QazAqparat – Japonııada sý asty janartaýynyń atqylaýynan keıin jańa aral paıda boldy, dep habarlaıdy QazAqparat Kyodo agenttigine silteme jasap.

Japonııanyń jaǵalaý kúzetiniń málimetinshe, jańa aral S-tárizdi, dıametri shamamen 1 kılometr. Ol juma kúni Ivotodan ońtústikke qaraı shamamen 50 shaqyrym jerde Tynyq muhıtyndaǵy Ogasavara araldarynda janartaýdyń atqylaýy bastalǵannan keıin tabylǵan.

Japondyq meteorologııalyq agenttik belsendi atqylaýdyń jalǵasýy múmkin ekendigin, jaqyn mańdaǵy sýlarǵa kúldiń úlken shógindileri túsetindigin eskertti.

Jańa araldar 1904, 1914 jáne 1986 jyldary da tabylǵan jáne olardyń barlyǵy tolqyndar men aǵyndardyń áserinen erozııaǵa baılanysty sý astynda qaldy.