Japonııada taıfýn saldarynan sý tasyp, 200 myńǵa jýyq úı jaryqsyz qaldy

ASTANA. QazAqparat - Jeksenbide Japonııanyń ońtústik bóligin tarıhtaǵy eń kúshti taıfýndardyń biri soqty. Onyń qurbandary men qıraǵany týraly aqparat ázirge joq, dep habarlaıdy QazAqparat VVS-ge silteme jasap.

Meteorologtar «Nanmadol» dep ataǵan taıfýn jeksenbi kúni keshke (Eýropada tańerteń) Japonııanyń tórt negizgi araldarynyń ońtústiginde Kagosıma qalasynyń janynda, Kıýsıýde qurlyqqa shyqqan.

Taıfýn aımaǵynda jeldiń ekpini saǵatyna 234 shaqyrymǵa jetedi (sekýndyna 65 metr). Japonııanyń meteorologııalyq qyzmetiniń baǵalaýy boıynsha, bir táýlikten az ýaqyt ishinde keıbir jerlerde 500 mm-ge jýyq jaýyn-shashyn tústi. Londonda nemese Máskeýde, mysaly, sál kóp - 600-700 mm - orta eseppen jylyna túsedi.

Mundaı buryn-sońdy bolmaǵan nóser sý tasqynyna, selge jáne kóshkinge qaýip tóndirip otyr. Bılik tórt mıllıonǵa jýyq adamdy qaýipsiz jerge evakýatsııalaýǵa shaqyrdy (aralda barlyǵy 13 mıllıon adam turady). Kıýsıýge poıyzdar, paromdar jáne áýe qatynasy toqtatyldy.

Taıfýn kelgennen keıin kóp uzamaı aralda 200 myńǵa jýyq úı jaryqsyz qaldy.

Foto: bbc.com