Japonııada Sınmoe janartaýy qaıta belsendiligin arttyrdy

ASTANA. KAZINFORM — Japonııanyń ońtústik-batysynda ornalasqan Sınmoe janartaýy jeksenbige qaraǵan túni qaıta oıanyp, 3 shaqyrym bıiktikke deıin kúl shashty, dep habarlaıdy Anadoly.

Japan News aqparatyna sáıkes, Japonııanyń meteorologııalyq agenttigi janartaý tańsáride belsendiligin arttyrǵanyn jáne krater mańynda usaq janartaý tastarynyń túsý qaýpi bar ekenin eskertti.

Sınmoe janartaýy maýsymnyń 27-sinen beri arasynda úzilis jasap, belsendilik tanytyp keledi.

Aıta keteıik, Japonııa «Tynyq muhıty otty beldeýi» dep atalatyn joǵary seısmıkalyq jáne janartaýlyq aımaqta ornalasqan. El aýmaǵynda 100-den astam belsendi janartaý bar.

Budan buryn Japonııada Sakýradzıma janartaýy atqylaǵanyn jazǵanbyz.