Japonııada oıyn-saýyq parkinde eden opyrylyp, 6 adam jaraqat aldy

TOKIO. KYODO- QazAqparat – Jeksenbi kúni Japonııanyń batysyndaǵy Hego prefektýrasyndaǵy oıyn-saýyq parkinde edenniń opyrylýy saldarynan alty adam túrli jaraqat aldy, dep habarlaıdy QazAqparat Kyodo aqparat agenttigine silteme jasap.

Oqıǵa ornynda aǵashtan jasalǵan oıyn-saýyq labırınti qurylysyn tergep-tekserý jumystary júrgizilýde. Oqıǵa kezinde bul jerde júrgen 24 jastaǵy er adam men 27 jastaǵy áıel jambastaryn syndyrǵan.

Zardap shekken taǵy tórt adam, sonyń arasynda jeti jasar qyz jeńil jaraqattar alǵan.
Oıyn-saýyq saıabaǵynyń beısenbige deıin jabylatyny habarlanyp otyr.
Attraktsıonnyń eni bir metr, uzyndyǵy 2.3 metr úshinshi qabatyndaǵy bileýiniń jyljyǵany saldarynan opyrylǵany naqtylanýda.
Saıabaqtaǵy oıyn-saýyq labırınti 2013 jyldyń sáýirinde ashylǵan. Saıabaq ókilderiniń aıtýynsha, mundaǵy qyzmetkerler qaýipsizdikti kún saıyn tekserip otyrady.