Japonııada otqa oranǵan qoımany 60-qa jýyq órt sóndirý kóligi men tikushaq sóndire almaı jatyr

TOKIO. QazAqparat – Dúısenbi kúni Japonııanyń Honsıý aralynyń ońtústik-shyǵysyndaǵy Osaka qalasynda alty qabatty qoıma órtendi. Tilsiz jaýmen kúreske 60-qa jýyq órt sóndirý kóligi men tikushaq jumyldyrylǵan. Jalyn 10 myń sharshy metr aýmaqty sharpyǵan, dep habarlaıdy QazAqparat TBS telearnasyna silteme jasap.

Órt kezinde ǵımarattyń ishinde 100-ge jýyq adam bolǵan, olardyń barlyǵy qaýipsiz jerge shyǵaryldy. Polıtsııa qoımada ony paıdalanýshy kompanııa ókilderiniń bar-joǵyn tekserýde.

Aldyn ala málimet boıynsha, órt ǵımarat bólmelerindegi bos karton jáshikteriniń órtenýinen bastalǵan.