Japonııada magnıtýdasy 6,2 jer silkinisi boldy

ASTANA. KAZINFORM – Seısenbi kúni Japonııanyń batysyndaǵy Cımane jáne Tottorı prefektýralarynda birqatar kúshti jer silkinisi tirkeldi. Olardyń birinshisiniń magnıtýdasy 6,2 bolǵan.

Alaıda eldiń meteorologııalyq agenttiginiń málimetinshe, tsýnamı týraly eskertý jarııalanǵan joq.
Japonııa meteorologııalyq agenttigi seısmıkalyq belsendiliktiń joǵary deńgeıde saqtalyp otyrǵanyn jáne bir apta ishinde osyndaı kúshti jer silkinisteri bolýy múmkin ekenin eskertip, saqtyq sharalaryn qoldanýǵa shaqyrdy.

- Jer silkinisi epıtsentriniń aınalasyndaǵy aımaqta osyndaı kúshti jer silkinisteri birinen soń biri bolǵan jaǵdaılar buryn tirkelgen, - dep eskertti agenttiktiń jer silkinisi men tsýnamıdi baqylaý bóliminiń basshysy Aıataka Ebıta baspasóz máslıhatynda.

Kyodo agenttiginiń habarlaýynsha, tańǵy saǵat 10:18-de bolǵan jer silkinisi Sımane prefektýrasynyń shyǵys bóligine áser etken. Odan keıin qysqa ýaqyt aralyǵynda birqatar jerasty dúmpýi, sonyń ishinde tańǵy saǵat 10:28-de magnıtýdasy 5,1 jáne tańǵy saǵat 10:37-de magnıtýdasy 5,4 jer silkinisi boldy.

Jergilikti bıliktiń málimetinshe, saǵat 11:00-degi jaǵdaı boıynsha Tottorı prefektýrasynda qaza tapqandar nemese múlikke zalal keltirilgeni týraly habarlamalar túsken joq. 

Premer-Mınıstr keńsesinde jaǵdaıǵa jaýap berý úshin qoldan kelgenniń bárin jasaıtyn úılestirý keńsesi quryldy. Birinshi jer silkinisinen keıin elektr qýatynyń úzilýine baılanysty Japonııanyń batysyndaǵy jyldam poıyz qyzmeti ýaqytsha toqtatyldy. Budan basqa, Hırýzen men Ionago arasyndaǵy Ionago kólik magıstraliniń ýchaskesinde, sondaı-aq Ionago-Nısı men ıAsýgı arasyndaǵy Sanın kólik magıstraliniń ýchaskesinde jumystar toqtatyldy.

Buǵan deıin Meksıkadaǵy jer silkinisi prezıdent baspasóz máslıhatyn toqtatqanyn jazǵan edik.