Japonııada qutqarýshylar jer silkinisinen aman qalǵandardy izdep jatyr
Japondyq qutqarýshylar qıraǵan úılerdiń astynan jer silkinisinen aman qalǵandardy izdep jatyr. Jerasty dúmpýleri olardyń jumysyna kedergi keltirip tur. Kazinform bul týraly Euronews-ke silteme jasap habarlaıdy.
Qutqarýshylar sınoptıkter boljaǵan nóser jaýyn, kóshkin jáne sýyq aýa raıy bastalmaı turyp, Japonııadaǵy jer silkinisinen zardap shekkenderge jetýge tyrysyp jatyr. Alaıda olardyń jumysyna jalǵasyp jatqan jerasty dúmpýleri men qulaǵan úıler kedergi keltirýde.
Isıkava prefektýrasynyń barlyq aýdandary qırap qaldy. Basqalarynda sý, jaryq, telefon baılanysy joq. Aldyn ala málimet boıynsha, tabıǵı apat 60-tan astam adamnyń ómirin qıdy. Bul kórsetkish áli de ósýi múmkin, óıtkeni úıindilerdiń barlyǵy tekserilip bitken joq.
Shamamen 100 myń adam evakýatsııalandy, olardyń kópshiligi baspanasyz qalǵandar.
