Japonııada kúshti jel turyp, qalyń qar jaýýy yqtımal

TOKIO. KYODO - QazAqparat – Japonııanyń basym bóliginde seısenbi kúni qalyń qar jaýady. Meteorologtar jolda muqııat bolýǵa keńes beredi, dep habarlaıdy QazAqparat Japonııanyń Kyodo agenttigine silteme jasap.

Aldaǵy eki táýlikte Japon teńizine shyǵatyn aýdandar men Tynyq muhıty bóligine jaqyn aýdandarda kúshti jel men daýyl soǵýy múmkin. Japonııa meteorologııa agenttiginiń málimetinshe, aýa raıynyń nasharlaýyna tómengi atmosferalyq qysym sebep bolǵan.

Seısenbi kúni ol kúsheıip, Hokkaıdo aralynan soltústik-shyǵysqa qaraı Kýrıl araldary men Japonııanyń shyǵysyna qaraı aýysyp, aýa temperatýrasy qystaǵy eń tómen kórsetkishke jetedi.

Japonııa ortalyǵyndaǵy Hokýrıký aımaǵynda bir táýlik ishinde 100 santımetrge deıin qar túsýi múmkin, soltústik-shyǵystaǵy Tohokýge – 80 santımetr, Kanto-Kosınniń ortalyǵy men shyǵysyna jáne batystaǵy Kınký men Chýgoký aýdandaryna qalyńdyǵy 70 santımetr qar jaýady.

Sondaı-aq meteorologtar Hokýrıký, Kınkı, Chýgoký, batystaǵy Sıkoký araly men Japonııanyń ońtústik-batysyndaǵy Okınavada jyldamdyǵy saǵatyna 82,8 shaqyrymǵa jetetin jel soǵýy múmkin, al Kanto-Kosın aýdanynda jeldiń jyldamdyǵy 72 km/saǵ bolady.

Foto: english.kyodonews.net