Japonııada qazaqstandyq zyǵyr maıyna suranys joǵary
ASTANA. KAZINFORM - QR Saýda jáne ıntegratsııa birinshi vıtse-mınıstri Aıjan Bıjanova «Djateko» japon kompanııasynyń ókilderimen kezdesý ótkizdi. Bul týraly atalǵan mınıstrliktiń baspasóz qyzmeti habarlady.
Kezdesýde Qazaqstannyń zyǵyr jáne basqa da maılaryn Kúnshyǵys eline eksporttaý múmkindikteri talqylandy. Japonııadaǵy qazaqstandyq zyǵyr maıyna suranys biz kútkennen áldeqaıda joǵary boldy. Japon tutynýshylary bul ónimniń sapasyn joǵary baǵa berip otyr. «Djateko» kompanııasynyń dırektory Anton Kımniń aıtýynsha, onyń densaýlyqqa paıdaly qasıetteri maıdyń erekshe tanymal bolýyna yqpal etti.
Búgingi tańda qazaqstandyq zyǵyr maıy japondardyń senimine ıe bolyp, olardyń kúndelikti ratsıonynyń ajyramas bóligine aınalǵan. Japonııanyń zyǵyr maıyna jyl saıynǵy qajettiligi shamamen 10 myń tonnany quraıdy, bul Qazaqstannan buǵan deıni jiberilgen kóleminen áldeqaıda asyp túsedi. Suranysty qanaǵattandyrý úshin «Djateko» jaqyn arada qazaqstandyq zyǵyr maıynyń ımportyn jylyna 3 myń tonnaǵa deıin arttyrýdy, sondaı-aq saflor jáne maqta maılaryn jetkizýdi keńeıtýdi josparlap otyr.
Kezdesýdiń basty taqyryptardyń biri- logıstıka máselesi boldy. Qazaqstan Respýblıkasynyń Saýda jáne ıntegratsııa birinshi vıtse-mınıstri Aıjan Bıjanova Qazaqstan Azııa elderimen turaqty taýar aınalymyn nyǵaıtýdy kózdeıtinin aıtty. Ol kólik marshrýttaryn ońtaılandyrý jáne japondyq seriktester úshin kútý ýaqytyn qysqartý maqsatynda QR Kólik mınıstrligimen jáne «QTJ» Ulttyq kompanııasymen jumys keńesterin ótkizýdi usyndy. Bul barlyq taraptar úshin yntymaqtastyqty tıimdi jáne paıdaly etýge yqpal etetin qadamdar.
Aıta ketý kerek, 2024 jyldyń alǵashqy 9 aıynyń qorytyndysy boıynsha Qazaqstan ósimdik maılaryn eksporttaýda eleýli ósim kórsetti. Qańtar-tamyz aılary aralyǵynda Japonııaǵa 93 tonna maı eksporttalyp, 122,4 myń AQSh dollaryn qurady, bul ótken jyldyń osy kezeńimen salystyrǵanda 4,5 ese kóp. Eksporttyń negizgi bóligin zyǵyr jáne kúnbaǵys maılary qurap, Qazaqstanǵa álemdik naryqta turaqty oryn alýǵa múmkindik berýde. Jalpy, osy sektordaǵy Qazaqstannyń taýar aınalymynyń jalpy kólemi 321,9 mln dollardy qurap, onyń ishinde 297,5 mln dollar eksportqa tıesili boldy.
Japon naryǵynda úshin saflor jáne maqta maılary na suranys týyp otyr. Olardyń jyldyq qajettiligi sáıkesinshe 4 myń jáne 5 myń tonnany quraıdy. «Djateko» kompanııasy saflor maıynyń jetkizilim kólemin 1 myń tonnaǵa, maqta maıyn 2,5 myń tonnaǵa deıin arttyrý nıeti bar ekenin málimdedi. Bul qazaqstandyq óndirýshiler úshin jańa múmkindik berip, eki el arasyndaǵy yntymaqtastyqty nyǵaıta túsedi.
Aıjan Bıjanova japondyq seriktesterge qazaqstandyq ónimderge degen qyzyǵýshylyqtary úshin alǵysyn bildirip, Japonııamen saýda-ekonomıkalyq ózara is-qımyldy odan ári tereńdetýdiń mańyzdylyǵyn atap ótti.
